என் உயிர் எங்கு உள்ளது...

நான் இழுக்கும் 

மூச்சுக்காற்றிலா..
முழு வேகத்தில் ஓடும்

 ரத்த ஆற்றிலா??

அல்லது 

சத்தமின்றி துடிக்கும் 

இதய ஒலியிலா??

ஓசையின்றி பெருகும் 

ஹார்மோன் அலையிலா??

அனைத்திலும் அந்நியப்பட்டு

ஆண்டு பல கடப்பேன்..

ஆனால் 

அரைநொடி நீ எனை மறுத்தால், 

மறுநொடி நான் இறப்பேன்.

For My Loveable Aarama.

வெள்ளி விழா வாழ்த்துகள்.

பள்ளியின் முதல் மாணவியல்ல‌
மூத்த மாண‌வி என்ற மமதையில் கூறுகிறேன்,
இப்பள்ளியின் வாசல்
எனக்கோ ஒரு பள்ளிவாசல்..

மகளை சேர்க்க வந்த நானே
ஒரு மாணவியானேன்..
படித்தது பால பாடம் அல்ல‌
வாழ்க்கை பாடம்.

மண்ணையும் மனிதனாக்கி,
கல்லையும் கவிதையாக்கும் வித்தை
உணர்ந்ததில்லை எவரும்,
இங்கோ உணர்த்தினார்கள் பலரும்...

தினகர் வளாகத்தில் ஏற்றிய தீபம்
எட்டு திசையும் ஒளிபரப்ப,
எங்கெங்கு நோக்கினும், எம் பள்ளி மாணவரே
விடி வெள்ளியாய் வழிநெடுக..

வெள்ளிவிழா காணும் இவ்வேளை
இதை விட சிறப்பு எது உள்ளது..

உள்ளார்ந்த மனதோடு உளமாற உறைக்கின்றேன்
என்னை பெற்றதோ ஒரு தாய்,
இங்கு நான் பெற்றதோ இரு தாய்,
அது சேவையின் செல்விசெய்யதாமேடம்,
நம் பள்ளியின் ராஜமாதா ராஜ முத்து மேடம்
என்பதை ராம்நாடே அறியும்..

நான் தடுமாறிய வேளையிலும்,
மனம் தடம் மாறிய வேளையிலும்
எனை தாங்கி பிடித்த கரமென்றால்
அது சங்கரலிங்கம் சாரென்று
சத்தியமாய் உரைத்திடுவேன்..

என் எண்ணங்களை எல்லாம் எடுத்துரைக்க‌
எழுத்துக்கள் போதவில்லை... என‌வே
ஏங்கும் மனதோடு
எழுந்து நின்று வணங்குகிறேன்.
இன்று
வெள்ளி விழா காணும் இப்பள்ளியை
பொன் விழா தாண்டி,
வைர விழாவில் வரவேற்க,
என்றும் காத்திருக்கும் எம் தலைமுறை.
வாழ்க வளமுடன்.

உமாராணி கருணாமூர்த்தி

காமராஜர்

 
ஆதியோகி நமக்களித்த
கர்மயோகியே!

ஆண்டவனை பார்த்திடாத
ஆத்திகனின் அருள் ஜோதியே!

பசித்த வயிறோ டிருந்தால்
படிப்பேறாது என்ற
மனோதத்துவம் அறிந்த
மகத்தான மருத்துவரே!

மதிய உணவளித்து
மாணவரை மாணிக்கம் ஆக்கிய
மனித கடவுளே!

ஏழை குழந்தைகள் எட்டிப் பிடிக்க
வானை வளைத்து ஏணியாக்கி
ஏற்றிவிட்ட எம்பிரானே!

உம்மிடம் ஒரு கேள்வி ..

எப்படி உதித்தது இப்பண்பு
எங்களுக்கும் வேண்டும்
இந்த இறையன்பு .

கல்வியை காசாக்கி
களிப்புறும் மானுடனே....
கற்றுக்கொள் இவரிடம்...
காசில்லா வேளையிலும்
கல்வி களப்பணியாற்றும்
வித்தையினை..

என் தலைமுறையில்
நாங்கள் தவறவிட்ட
தரமான அரசியல் தலைவனே!
உன் ஆட்சிக்காலம் ஒவ்வொன்றும்
அழகிய பொற்காலம், என
புலம்பி புலம்பி ஓய்கிறார்கள் இங்கே..

ஓய்வெடுத்தது போதும் எம்பிரானே!
எழுந்து வா..
உன் எண்ண கதிர் பரப்பி,
எழுச்சிபெறச் செய் இந்தியாவை..

என வேண்டும் இதயத்துடன்
இறைவனை பிரார்த்திக்கிறோம்.
   
                         என்றும் அன்புடன்,
                         உமாராணி கருணாமூர்த்தி.

குரல்கள் பலவிதம்.

சங்கீதம் சாரலானாலும் அழகு ...
கனத்த தூரலானாலும் அழகு...

ஜானகியம்மாவின் குரல்
இனிக்கும் ஜாங்கிரி என்றால்,
மாதங்கியின் குரலோ
மயக்கும் மத்தளம்...

சுபாவின் குரல்
புரட்டும் சுனாமி என்றால்,
சுசீலாம்மாவின் குரல்
அதை சுருட்டும் சுக்கான் ...

உமா ரமணன்
உற்சாகத் துள்ளல் என்றால்,
அனுராதா ஸ்ரீராம்
அழகிய ஆர்மோனியம்...

குயில்கள் மாறும்போது,
குரல்களும் வேறு ..
ரசிக்க பழகினால்,
ராகங்களும் நூறு நூறு..

( For smule singers )

நான் யார்?

உனக்கே உனக்காய் நான் இருக்க
எனக்காய் என்றேனும் ஏங்கியதுண்டா?

எட்டிய தூரம் எதிரில் நானிருந்தும்
ஏங்கும் இதயத்தின் எதிரொலி கேட்டதுண்டா?

உன் தாயாய் மாறிய பிறகு கூட,
இத் தாரத்திடம் பாசம் பகிர்ந்தது துண்டா?

உண்மை உரைக்கிறேன் கேள் நண்பா!

என் கவிதையின் கரு நீ ...
என் காதலின் உரு நீ...
என் கனவின் நிழல் நீ ...
என் காலத்தின் நிஜம் நீ ..
என் மகிழ்வின் பதாகை நீ..
என் வாழ்வின் பாதி நீ... பாசத்தின் மொத்தம் நீ..

ஆனால் இதில் பாதி கூட உணரவில்லை நீ ...

கருகும் இதயத்துடன் கண்ணீர் விட்டு கேட்கின்றேன்..

இத்தனை நாள்
உன் உணர்வில் கலந்தவர் யார்?

உன் உயிரில் நிறைந்தவர் யார் ?

ஊரும் உறவும் அறிந்திடாது உன் உள்ளே உறைந்தவர் யார்?

உருக்கமுடன் கேட்கிறேன்... உண்மை கூறு உத்தமனே!

உன்னில் நான் யார்?

ME TOO வலைதளம்.

இது பழி வாங்கும் களம் அல்ல‌
பாதிக்கப்பட்ட மனதை
பதமாக்கும் தளம்..

முகமூடி மனிதனை
முச்சந்தியில் நிறுத்தி
வக்கிர சாத்தானை
தோலுரிக்கும் ஒரு தளம்..

பால்ய பருவதில்
பாலியலில் பாதிக்கப்பட்டு,
பட்டுபோன பிஞ்சு மனதுக்கு
வடிகாலாய் வந்த ஒரு தளம்..
இன்று
பாதிபேரின் பாப்புலாரிட்டிக்கு
பயன்படுவதால் அது
ஆனது ரண களம்...

MEE TOO பதிவுகள் பொய்யெனில்
TATTOO குத்தப்படும்
என்று  கூறி பாருங்கள்,
புகார்க‌ளில் பாதி காலாவதியாகும்...

காயம் பட்ட மனதின்
களிம்பான இத்தளத்தை
மலிவான  போர்களம்
ஆக்கிடாதீர் ...
என அன்போடு கேட்டு கொள்ளும் தோழி,
                                     
                                                  Umarani Karunamoorthy

புரிய வைப்போம் பூக்களுக்கு.

                                                                                                                                                              அண்ணல் காந்தியும் , அப்துல் கலாமும்
வாழ்ந்த புண்ணிய பூமியிது -இன்று
அழுக்கேறிய மனதோடு ,
அரக்கர் கூட்டமொன்று,அலைந்து  திரிவதை ,
அழகு தேவதைகளுக்கு
புரிய வைப்போம்...

தொட்டதும் சுருங்கும் ,
தொட்டாசிணுங்கியல்ல ..நீ
தொட்டவுடன் எரிக்கும் அக்னி பிழம்பென்று
அறிய வைப்போம்..

ஆசை மொழி பேசிய ஹாசினியும்,
அழகு பூங்கோதை ஆஸிபாவும்
அசுர சாத்தானின் ஆசை தீயில்
அழிந்து எரிந்தது, இதுவே கடைசியாகட்டும்...

எரிந்த சாம்பலில், எழுந்து வரும் பீனிக்ஸாய்
எண்ணங்களை உருவேற்றி, வலுவூட்டுவோம்
வாரிசுகளின் வாழ்க்கையினை..

காலுக்கு சலங்கை கட்டும் நேரத்திலே,
கைகளுக்கு கத்திச்சண்டையும்
கற்றுக் கொடுப்போம்...

பெற்றவரையும், கூட பிறந்தவரையும் தவிர‌
மற்றவனை எல்லாம்,மாற்றானாய்
ஒதுக்கச்சொல்வோம்...

மையேந்தும் விழியொன்றில் கருணையும்,
மற்றொன்றில் காமுகனை கண்டறியும் திறனையும்
வளர்த்திடுவோம்,,

மற்றவர்க்கு நடக்கும் அநீதியையும் அறுத்தெறிய‌
மழலை மனதில், மஹிஸாசுர‌வர்த்தினியை
குடியேற்றுவோம்...

தொடுதலின் வகையினை தொலை நோக்கு பார்வையில்
சொல்லிதந்து ,தன்னை காத்து தரணியில்
வாழும் கலை வளர்ப்போம்.
    வாழ்க வருங்காலம்..
                                                                     அக்கறையுடன்,
                                                  உமாராணி கருணாமூர்த்தி.

மெளனத்தின் ஓசை.

நட்பென்றால் நாம் என்று
நானாக எண்ணியதால்
எண்ண‌த்தை சொல்லி விட்டேன்
எதார்த்த வார்த்தையினால்..

உன் உணர்வை உருகுலைக்க‌
ஒரு போதும் நினைத்ததில்லை,
உள் நெஞ்சில் உறுத்தியதை
உன்னிடம் மறைக்கவில்லை...

ஊசி முனை வார்த்தையினால்
ஏசி பிரிந்து விட்டாய்,
பேசி ப‌லனில்லை என்று
நானும் இருந்து விட்டேன்..

நட்பை யாசித்து பழகியிருந்தால்,
யோசித்து பேசியிருப்பேன்..
சுவாசித்து வாழ்ந்ததினால்
வார்த்தை ஜாலம் சேர்க்கவில்லை..

இனி விரிவாக பேச எதுவுமில்லை
விரிசலை பெரிதாக்க‌
விருப்பமில்லை..

சொன்ன சொல் விளக்காத‌
பொருலினையா
சொல்லாத என் மெள்னம்
விளக்கிட போகிறது...
விதி விட்ட வழி.

By,
Uma Rani.

ஏக்கம்

இரு கைகளால் இறுக்கி பிழிந்திடினும்,
வாராத 'வலி'யது,
வந்து போகிறது ,
கண் பார்த்தும் கை தொட முடியா, கணினி திரையில், உன்னை காணுகையில்...
    By,
      Umarani

சொல்லடி அபிராமி.

தந்தையின் நினைவு நாளில்
தவிக்கிறது என் மனம்.
அவரின் மரணம் எண்ணியல்ல,
தம்பியின் மனதை எண்ணி..

சராசரி மானுடன் நான்...
அந்தாதி பாடி அந்த‌
அபிராமியிடம் நியாயம்
கேட்க முடியவில்லை...

இயல்பாக கேட்கிறேன்
உன்னை எண்ணி
உருகுபவருக்கு மட்டும்  தான்
உயிர்பிச்சை அளிப்பாயா?

காதணி வீசி காலனிடம் இருந்து
பட்டரை காத்த நீ
உள் அன்போடு உயர் சேவை செய்த‌
உள்ளத்தை மறந்தது ஏனோ??

காலம் காலமாய் மாறாத வடுவாகி
மனதை அறுக்கிறது
அவன் விட்ட கண்ணீர்,
அன்றிலிருந்து தான் தம்பிக்கும்
இன்னொரு தாயனேன்.

தளராத பக்தியோடு
தயை கூர்ந்து  வேண்டுகிறேன்
தந்தையின் ஆன்மா சாந்தி
அடைய செய்து விடு.

நானும் சர்க்கரையும்.

சர்க்கரை
எண்ணும் போதே
எச்சில் ஊறும்
ஏகாந்த போதை,
போகிற போக்கில்
ஆளை புரட்டிடும் பாறை..

சர்க்கரை ருசியில்
சலசலக்கும் ரத்தம்,
எதிர்கால சந்ததியரோடு
எதற்கு இந்த யுத்தம்?..

உண்ணாதே என்றுரைக்கவில்லை
உண்ணாதிருத்தல் நலனென்ற‌
நல்லெண்ணத்தில் நவில்கிறேன்
நயமுடன் நான் ..

நீரிழிவு உன்னை நீங்கிட‌
வெறுத்திடு வெள்ளை அரக்கனை,
கலந்திடு கரும்பு சர்க்கரையை
உணவே  என்றும் மருந்தாக...

நீயும் நானும்
நாளை வரும் நம்  தலைமுறையும் ,
ஆரோக்கியமாய் வாழ‌
தவிர்க்க வேண்டிய முதல் உணவு,
எதிக்க வேண்டிய முதல் எதிரி
சர்க்கரை என்னும் சாத்தானை..

                   இனிப்பை தவிர்த்து
                   இனிதே வாழ்வோம்.
                                                           

( ஆரோக்கியா மருத்துவமனையில் நடந்த கவிதை போட்டிக்கு எழுதி அனுப்பினது )

மரபு

மாந்தர் நாம் விட்டுச்செல்வோம்
மரபின்  தடம்  நம் மக்களுக்கு..

திருவள்ளுவர் அருளிய
முப்பாலை அருந்தி
மூச்சு வளர்த்த மூத்த குடியினர்-

 நம் முதன்மை மரபான
தாய்மை போற்றுதல் முதல்
தனிமனித  ஒழுக்கம் வரை

நாடி பார்த்தல் முதல்
மூலிகை மருத்துவம் வரை,

மாப்பிள்ளை சம்பா முதல்
சித்ரகார் அரிசி வரை,

அவரைக்காய்,கீரை முதல்
ஆடு,மாடு வளர்ப்பு வரை,

அன்னியரை நாடாது
அனைத்தையும் பெறும் தந்திரம்
நம் மரபெனும் மந்திரம்...

மனித குலம் செழிப்புற
உரமின்றி வாழும் உக்தியும்,
மருந்தின்றி பெறும் சக்தியும்
நம் மரபின் உச்சமென்று
உணர்த்திடுவோம் உலகிற்கு.
வாழ்க வளமுடன்.
           
K.Umarani,    
ISO,
Inner Wheel Club or Ramnad,
 IW- 321
 ( Tamil nadu and kerala state level competition la !st priz vangiyathu )

இறைவனுக்கு நன்றி.

முழுமதி நான்  திருமதியாகி
முப்பது வருடம் முந்திக் கடந்தன
மூச்சு விடும் நேரத்தில்.
முக்தி பெற்றது வாழ்வு,
முருகனின் அருளோடு...

பதினேழில் கரம் பிடித்து,
பக்குவமாய் எனை மாற்றி,
பாசத்தை பதியமிட்டு,
பல வண்ண ரோஜா நான்கு பெற்று,
நாளும் பொழுதும் எமைக் காத்த,
நற்றுணை நாயகனே!

நானிலமே எதிர்த்தாலும்
நானிருக்கேன் என்று
எதிர் வந்த ஏகலைவனே!
எத்தனை பிறவி எடுத்தாலும்,
அத்தனையிலும்,
உன்  உறவாக‌,உயிராக‌,
உடன் வர வேண்டுமென்று
உளமாற வேண்டிவேன்
செந்தூரான் சேவடியில்.

பிறந்தநாள் வாழ்த்துகள் ஆராதனா . (24/7/17)

என் நரம்புகளில் நாணேற்றி
இதயத்தில் இன்னிசை மீட்டும் இனியவளே,
இன்று உன் பிறந்தநாள்...

எண்ணத்தை சலவை செய்து
என்னுள் மனிதியை
வெளி கொணர்ந்த ஓவியமே,
இன்று உன் பிறந்தநாள்...

அச்செடுத்த அழகு தமிழ் மொழியை,
பிச்சுப்பிச்சு பேசிடும்
பச்சை பைங்கிளியே,
இன்று உன் பிறந்தநாள்...

ஓம்கார ஒலியாய் ஓங்கி ஒலித்திடும்
ஆராதனா காவியமே,
கற்பனைக்கு தப்பிய ஓவியமே,
இன்று உன் பிறந்தநாள்....

என் அணுவெல்லாம்
நுளைந்தோடும்
தார்ப்பரிய உயிர் மூச்சே,
இன்று உன் பிறந்தநாள்....

இல்லை இல்லை..
இன்று எந்தன் பிறந்தநாள்,
என் இதயம் மலர்ந்த நாள்.

என் உயிரின் உறைவிடமே,
உன்னை ஒன்று கேட்கிறேன்
மறுபிறவி ஒன்றிருந்தால்
என் அன்னையாக வேண்டாம்,
அன்பு தோழியாகும் வரம் வேண்டி
ஆண்டவனிடம் பிராத்திப்போம்.

                         வாழ்க வளமுடன்.

                                   

விழித்தெழு பெண்ணே !

பேதைப்பெண்ணே நீ

போதை பொருளாய் இருந்தது போதும்,

பாரதி கண்ட புரட்சிப்பெண்ணாய்

பொங்கியெழு...

புதுமையை

ஆடைகுறைப்பில் காட்டாதே,

ஆளவந்தவளாய் உனை மாற்று..

சமமாய் தண்ணையடிப்பதில் காட்டாதே

சாதனை புரிவதில் நீ காட்டு..

அன்னை தெரசாவாய் மாறி

அன்பினை காட்டு,அனாதைகளுக்கு,

அப்துகலாமாக மாறி 

ஆக்கம் பல புரி பாரதத்திற்கு..

கொலுபொம்மையாக மட்டும்

இருந்து விடாதே,

கோபுர கலசமாக உயர்ந்து நில்,

நாளைய உலகம் நம‌து கையில்.

          

           உமா கருணாமூர்த்தி

பர்வீன் சுல்த்தானா.

பார்க்கும் பார்வையிலே
தெறிக்கும் பட்டாசு,
உதிர்க்கும் வார்த்தைகளோ
வண்ண மத்தாப்பு..

அன்று கோவையில்
பெண் என்ற கர்வத்தை
என்னுள் விதைத்த‌
விவசாயத்தோழி,
அறுவடை நாளில்
இன்று என் அருகில்...

ஆம்,
பெண்ணான பெருமையை- இங்கு
புரிந்தேன் உம்மால்...

சாமானியனையும்
சாதிக்க தூண்டும்
தூண்டா மணிவிளக்கு உம் மொழிகள்,
மறைந்த பாரதியும்
மகிழ்ந்து வாழ்த்தும்  உம் வாழ்க்கை வழிகள்..
அகமகிழ்கிறது நெஞ்சம் உம் பேச்சில் ,
உலகமே   என்றும்   தஞ்சம்..

பச்சிளம் குழந்தையும் ,பார்த்து வியந்திடும்
தோழி பர்வீன் புகழ் மேன்மேலும்
பர‌ந்து விரியட்டும் பாருக்கு நிகராக .
                              வாழ்க வளமுடன்.
                                                                                       அன்பு தோழி,
                                                                                           உமா கருணாமூர்த்தி.

வாழ்த்து கவிதை.

1989 ஆம் ஆண்டு
எல்லாம் வல்ல இறைவன் துணையோடு,
பட்டயத்தலைவர்
திரு. ர‌விச்சந்திர ராமவண்ணி
தலைமையில்
தளிர் கொடியாய் தலை தூக்கி
உறுப்பினர்கள் உதவியோடு
உலாவந்த ரோட்டரி சங்கம் -இன்று
எட்டு வைக்கப் போகிறது
28 வது வருடம்...

முகவையின் முத்துச்சுடர்
மருத்துவர்களின் மாணி மகுடம்
கருணையை தன் கண்மணியில் கலந்திட்ட
நம்  கவர்னர் திரு.சின்னதுரை அப்துல்லா
தயவோடும்,
சேவையே சுவாசமென
சுற்றித்திரியும் சேனைகளின்
துணையோடும்,
தீயென சுழல காத்திருக்கும் காரியதரிசி
திரு பூபதி தலைமையில்
ரோட்டரி  சங்கம் ரோஜா வனமாக‌
சேவை மனம் பரப்பும் என‌
நம்புவோம் நங்கூரமாக..

                                     வாழ்த்தும் தோழி,
                                                 உமா கருணாமூர்த்தி

இசைக்குடும்பம்

எங்கோ பிறந்தோம்
எங்கோ வளர்ந்தோம்
இங்கு இணைந்தோம்
இசையின்  தயவால்...
இசையை வாசித்தோம்
இசையை நேசித்தோம்
இசையை சுவாசித்தோம்
அதையே யாசித்தோம்
இன்றும் இறைவனிடம்..

பல தோட்டத்து
பன்னீர் பூக்கள் நாங்கள்...
பருவம் வேரான
 கஸ்தூரி மான்களும் நாங்கள்..
இசையென்னும் வயிற்றில் பிறந்த‌
உன்னத உறவுகள் நாங்கள்...
ஊர் வேறாய் வாழும்
ஈசன் அடிமையும் நாங்கள்....
 இணைந்தோம் இன்று
 இறைவனின் அருளால்
பல தேசம் தாண்டி தரணியில் இங்கு..

தாலாட்டு இசைத்தது
 வெவ்வேறு தாயெனினும்,
இணைந்து ருசித்தது
இசையென்னும் தாய் பாலை.

ஆதி சிவன் அருளோடு
ஆன்மீக பொருளேடு
சத்குருவின் நெறிகள்
சாமானியனை ச்சென்றடைய‌
சரிகமபதநி சுவரங்களும்
எங்கள் சாரீரங்களும்
சமரசம் செய்தே,
சங்கீதச்சாரலாய்
சங்கமிக்கப்போகிறது.

Isha sivan {  smule Ram }  க்கு எழுதி கொடுத்த கவிதை

சிவனே போற்றி.

ஆதி மூலமே,அதிசய ரூபமே,
அகிலத்தை ஆட்சி செய்யும்
அண்ணாமலையாரே!
ஆறடி உயரமும்,அரையடி இதயமும்
இளகி உருகுமய்யா
அர்த்தநாரிஷ்வரா-உன்
ஆத்மார்த்த அதிர்வலையில்..

திரித்த ஜடையும்,திண்ணென்ற தோள்களும்
திரிசங்கு கழுத்திலே
தரித்தாடும் சர்ப்பமும்,
தண்டை எதிரொலிக்க‌
தகதிமி நீ ஆட...
அண்ட சராசரமும்,அடிமையாகிடுமே
ஆதியோகி உன் அசைவில்...

அறுபத்துமூன்று நாயன்மார்களை
நயமுடன் ஏற்றுகொண்ட‌
நடுவனே !நஞ்சுண்ட நாயகனே
பூத கணங்கள் புடைசூழ‌
என் பாவ கணக்கை சரிபார்த்து
பூர்வஜென்ம வினை தீர்ப்பாய்-உன்
பாலகனாய் எனை ஏற்பாய்...

சுடுகாட்டு சாம்பலும்
சுட்டெடுத்த மண்டையோடும்
மாலையாய் சூடி கொண்டே
சூத்திரதாரி நீயிருக்க‌
பற்றுதய்யா என் மனம்
சுயம்பு லிங்கம் உன்னை சுற்றி..

ஆதிசேஷன் துப்பிய ,ஆலகாலவிஷத்தை
அள்ளி பருகிய நீலகண்டேஷ்வரா!
நின் தயவால் நீர் நில உயிரெல்லாம்
உயிர்பிச்சை கொண்டதய்யா..

அப்பாவிற்கு ஓர் கவிதை

தாய் வழி தமிழை

தந்தை வழி கற்பித்து

தரணியில் நான் உயர‌

வாழ்வனைத்தும் தந்தவரே...

மணமகளாய் நான் மாறி

மறு வீடு சென்ற பின்னே

நீவீர் மனமுடைந்து அழுத சேதி

அக்கா வழி கேட்ட போதும்..

வெள்ளந்தி மனதோடு

வெண்பொங்கல் எடுத்து வந்து

வயிற்று பிள்ளைக்காரி எனக்கு

வாஞ்சையோடு  கொடுத்த போதும்...

உணரவில்லை உம் அன்பை, நீர்

உயிரோடு இருக்கும் வரை.

மழை தரும் மேகமாய்

மனம் கனத்த வேளையில்

அதை சருகாக்கும் சாகசத்தை

சடுதியில் கற்று தந்தவரே,

தாளாத மனதோடு

தாலாட்டு இசைக்கின்றேன்,

தாயாக நான் மாறி

தந்தையே நீ தூங்கு..

மறுபிறவி உண்டென்றால்

மனதார வேண்டுகின்றேன்

மறுபடியும் பிறந்திடுவாய்

மகனாக என் வயிற்றில்.

யாழினி என் தேவதை.

விடியல் வேளையில்
விடிவெள்ளியாய்
மண்ணில் தோன்றிய‌
முழுமதி முகத்தவளே...

உன்னை முழுமையாய் கண்ட நொடி
மூச்சு விட மறந்தேனடி,
அள்ளி கொஞ்சிய
அடுத்த நொடி,இதயம்
அனிச்சையாய் துடித்ததடி...

கூவும் குயிலிசையும்
புல்லரிக்கச் செய்யும்
புல்லாங்குழலிசையும்,
பூரித்துப்போகும்
யாழி நீ இசைக்கும் யாழிசையில்...

யட்சக‌ன் அருளிய
எல்லோரா ஓவியமே,  - கீர்த்தி
யாசித்து பெற்றெடுத்த‌
ஆறாம் காப்பியமே...

கண்ணனின் கருணை உனை நனைக்க,
பாபுவின் பார்வையோ அரவணைக்க,
அன்னையின் அன்பிலே அமுதாகி
ஆண்டு பல கோடி அழகி நீ வாழ‌
ஆச்சி எந்தன் ஆழ்மன வாழ்த்துகள்

விசறு பிடித்த வித்வான்களுக்கு

தாய் வீட்டில் தளிர் கொடியாகி,
தமையன் தமக்கையோடு
வேர் விட்டு மரமாகி,

மணாளன் கரம் கோர்த்து
மருமகளாய் நான் மாற

பருவகால மாற்றத்தால்,
மாணிக்க கிளைகளாக
மகள்கள் மண்ணில் தோன்ற,

கிளைகளோடு இலைகளாக
மருமகன்களின் வரவினிக்க,

வசந்தகால பூக்களென
புவியிறங்கிய நான்கு தேவதைகளோடு,

விருட்சமென விரிந்து நிற்கிறது,
தளிர் கொடி இன்று காடடைக்கும் பெரும் மரமாய்..

பெருமை கொள்ளும் இவ்விடயம்,
பகடிக்க என்ன உளது??🤔🤔

முழுமை பெற்ற வாழ்வளித்த
இறைவனுக்கு கோடி நன்றி.
     
             

விடியலை நோக்கி விளை நிலங்கள்.

பேராசை பெரும் தீயில்
பச்சை மரங்கள் மழிக்கப்பட்டு,
காணி நிலமெல்லாம்
" கார்பரேட் " கம்பெனியாகி
கரிசல் காடுகளும்
களையிழந்து போனதுவே...

பச்சை பட்டுடுத்தி
பரந்து விரிந்த விளைநிலமும் வீடாகி,
காடெல்லாம் காட்சி ப்பொருளானால்,
நெல்மணி என்ன "நெட்"டில் கிடைக்குமா,
மழை என்ன மந்திரத்தில் பெய்யுமா?

பசுமை பாரதம் பட்டொளி வீசி
மண்முட்டும் விதைகள்
விண்முட்டி வளர,
விடியலை நோக்கி விரைந்திடுவோம்
விவசாயிகளோடு நாமும் கை கோர்த்து.

                                                 Uma karunamoorthy.

எங்கள் திருமண நாள் கவிதை

எட்டு எட்டாய் நடை பயின்று,
பட்டு ரோஜா நாலு பெற்று,
பார் புகழ உயர வைத்தோம்,
இருபத்தியெட்டு ஆண்டுக்குள்ளே...

எத்தனையோ சண்டைகளில்,
எட்டிப் பார்த்த கோபங்களில்,
ஒளிந்து நின்ற பாசத்தை,
பாவை நான் பகுத்தறிய‌,
பாதி வாழ்க்கை க‌ழிந்தது...

கரி பூச எண்ணி
சதி செய்த சமூகத்தில்,
கறைபடாது எனை காத்த,
கல்லுக்குள் ஈரமாய்
கடவுளை நான் காண‌,
கால் நூறாண்டு கடந்தது...

பாசத்தின் கொள்ளளவை,
பாத்தியப் பட்ட நாம் உணர‌,
மீதி வாழ்வு வழங்கிடவே,
இறை வணங்கி
அருள் வேண்டிடுவோம்...

திருமண நாள் வாழ்த்துகள்

உன் மனதை
கொள்ளையிட்ட காரணத்தால்,
மன்றாடி கேட்டும்,
மனமிறங்க மாட்டாது
மன‌ச்சிறையில் பூட்டி வைத்து,
அன்பு கணையெடுத்து
அன்னாரை நோகடித்து,
நொடி பொழுதும் நீங்காது
நரம்பெல்லாம் நாண் ஏற்றும்
நாயகியே!
உன் ராமனின் ரத்தமெல்லாம்
மத்தளமாய் உன் நினைவு
சத்தமின்றி ஓடுவதை
சந்தேகமின்றி அறிவாயா?

தமயந்தி நளனை
தரணியில் யாம் கண்டதில்லை..
சத்தியவான் சவித்திரியை
சத்தியமாய் சந்திக்கவில்லை..
இருவரையும் பார்க்கிறேன் இன்று,
"காவேரி ராமன்" உம் வடிவில்..

தேவர்களின் தலைமகனை
கரம் பிடித்த தேவதையே!
தேனூறும் மனதோடு
"ராணி"நான் வாழ்த்துகிறேன்
வாழ்க பல்லாண்டு,
வளமோடும் நலமோடும்.
                 
                 அன்புடன்
                     உமா கருணாமூர்த்தி.

ஆராதனாவிற்கு பிறந்த நாள் வாழ்த்துகள்.

ஆண்டவன் அருளிய
ஆகாய தாமரை நீ,

' பாரதி ' வணங்கி நின்ற‌
பராசக்தியும் நீ..

' கம்பனின் ' கவி தொகுப்பில்
தப்பிய தாரகை நீ,

' வாலியின் ' வரிகளில்
பிரிந்து வந்த வாக்கியம் நீ...


' வைரமுத்து '  கண்டிடாத‌
வைர வரிகளும் நீ,

' தாமரையின்'  தலைமகளாம்
தமிழ் மொழியும் நீ..

'பழநி பாரதி ' பார்த்திடாத‌
'பா' க்களின் தொகுப்பு நீ,

கவிஞர் ' சுரதா 'வின்
சூரிய படைப்பும் நீ..

பாஷையின்றி பேசும்
' ஓஷோ 'வின் புது மொழி நீ

ஓசையின்றி கரைகிறது மனம்
ஓயாது ஒலிக்கும் உன் குரலில்..

ராணியின் ராஜ்ஜியத்தை
ஆள வந்த ஆராதனாவே

நீ ஆண்டு நூறு நலம் வாழ‌
நாளும் வேண்டுகிறோம் இறைவனிடம்..

வாழ்த்து கவிதை

தை மகளே வருக..

போகியன்று போர் குணம் போயிட,
ஆசை, கோபம்
அனைத்தையும் அக்னியில் அழித்திட,
ஆனந்தமாய் ஆடிடுவோம்,
அகமகிழ வாழ்ந்திடுவோம்,
அடுத்த நாள் வரப்போகும்,
தை மகளை வரவேற்க...

வைகறையில் நீராடி
வாசலிலே கோலமிட்டு
வண்ண வண்ண பட்டுடுத்தி
புதுப்பானை பொங்கலிட்டு
பொங்கி வரும் புன்னகையுடன்
பூரணமாய் படையலிட்டு
பூமித்தாயை வணங்கி பின் கதிரவனுக்கு நன்றி சொல்லி
களிப்புடனே வரவேற்போம்
தை மகளே நீ வருக..

                          அன்புடன் வாழ்த்தும்,
                              உமா கருணாமூர்த்தி

சுனாமி.

காற்று வாங்கச் சென்றவரை
காவு வாங்கிய சுனாமி,
பூவோடு பிஞ்சையும்
புல்லென பிடிங்கிய‌
காலனின் பினாமி...

கருணையைக் கடலாக‌
கற்றவர்கள் சொன்னதுண்டு,
உப்பிட்டவரை மறவாதேயென‌
மற்றவரும் சொன்னதுண்டு...

மறக்குமா நெஞ்சம் இனி?
மனித உயிர் குடித்த‌
மகத்தான கடலலையே!
தெரியுமா உனக்கு...
நீ சுவைத்த எவரும்
உன்னை சுவைத்ததில்லை
ஒரு போதும்....

பூமராங் பூளோகம்...

அன்பு கணையெடுத்து
அகிலத்தில் போர் தொடுக்க,
எரிந்த வேகத்தில்
எதிர்கொள்ளும் ஏகாந்தம்..


விரவி நாம் ஏற்றும்
கல்வி அகல் விளக்கு,
புற்றீசல் படை போல
புரவியேறி நமை போற்றும்..


அக்னி பிழம்பென
ஒரு சொல் நீ மொழிய,
அமில மழையாய்
அது மாறி நமை

நனைக்கும்...


நன்மை தீமை
நாம் செய்தால் ஒரு முறை,
நாற்புறமும் எதிர் கொள்ளும்
நாளை வரும் நம் தலைமுறை...


பூமராங் புவியிலே,
பூவும் முள்ளும்
சொல்லும் கல்லும்
எரிந்தவரே எடுத்துக் கொள்வர்.

( பி.கு
கணை- அம்பு
ஏகாந்தம் -சொர்க்கம்

விரவி-விரைந்து

புரவி- குதிரை )

அழகு தேவதை ஆராதனாவிற்கு பிறந்தநாள் வாழ்த்து.

அந்தியில் உதித்த சூரியனே !
அன்னை கருவினில் துளிர்த்த சந்திரனே,உன்
சந்தன தேகமது ,அழகின் உச்சம்..
உன்னை கண்ட நாள் முதல்
வாழ்வில் எல்லாம் துச்சம்..

நான் துவண்டிடும் வேளையில் 

தூண்டா மணிவிளக்கு,

தூரிகைக்கு தப்பிய

காவியம் உன் சிரிப்பு..

மயக்கிடும் சிரிப்பிலே

மாயவலை விரித்தவளே !

அந்த மாய கண்ணனும்

மலைத்திடுவான் நீ செய்யும் லீலை...

ஆண்டவனின் அருள்மழையில்

அக்னி குஞ்சாய் வந்தவளே !

அவதரித்தேன் மீண்டும் நான்

ஆண்டு 43 கடந்த பின்னே...

ஆதியும் அந்தமும் ஆன

எங்கள் அழகு தேவதையே !

நீ ஆண்டு பல வாழ்ந்து

சாதனை படைக்க 

அன்போடு வாழ்த்துகிறோம்..

என் மகள் சஹானாவிற்கு

போராடும் மனதோடு
போட்டியிட பிறந்தவளே!
பூரிக்கிறது நெஞ்சம்
புவியில் உன்னை ஈன்றதற்கு...

அத்தனைக்கும் போட்டி
அனைத்துடனும் போட்டி...
அழகில் அல்லி மலருடன் போட்டி
அன்பில் என் அன்னையுடன் போட்டி...

நிறத்தில் நிலவுடன் போட்டி
நீண்ட கூந்தலோ
கார் முகிலுடன் போட்டி...
முல்லை மலருடன்
உன் முத்து பற்கள் போட்டி...

வெள்ளை சிரிப்பொலியில்
வெள்ளி கொலுசு தலை சாய‌
தகதக‌க்கும்  தேகமது
தங்கத்தோடு போட்டி..

போதுமடி பெண்ணே
போராட்டத்தை நிறுத்தி விடு,
இயற்கையும் தோற்கிறது உன்
இன்முக சிரிப்பிலே...
ஈன்றவளும் தோற்கிறேன்
ஈடில்லா உன் கருணையிலே...

( இதில் உயர்வு நவிற்சியோ
வஞ்சபுகழ்ச்சியோ கிடையாது )

ஆராதனா..........

மூச்சு விடும் முல்லை மலர்
முதன்முதலில் நான் கண்டேன்..

கண்ணிரண்டில்
கரும் திராட்சை,

காலிரண்டில்
மடல்வாழை,

வாசனையோ
வானை முட்ட,

வரவொன்று கிடைத்தது
செலவின்றி....

வரவேற்பு

குன்றத்து முருகன்
குழந்தை வடிவில்...

குதூகலத்தில் மனம்
கூடி கும்மியடிக்கிறது..

கூர்மதி கருணையோடு
குறைவில்லா அழகினோடும்

அகிலமே திரும்பி பார்க்க‌
அடியெடுத்து வைக்கும்
அறிவு மலரே-உன்னை

ஆச்சியென்னும் பெயரோடு
அன்னையாய் அள்ளி
எடுப்பேன் என்னுள்ளம்
களிகொள்ள...

தெளிவு

மண்டியிட்டு கேட்கிறேன்
மன்னித்து விடு மணாளனே...

உரைப்பது உண்மையென‌
என் உள்ளம் உணர்ந்தும்
உன்னையும் ஏற்க சொல்லி
ஏனிந்த அதிகாரம்???

என்னைப் பற்றி
எனக்கு தெரிந்தும்
ஏனிந்த எதிர்பார்ப்பு??
எட்டவில்லை என் மூளைக்கு...

தேகம் திரியாக்கி
யாகம் வளர்க்கையில்,
வழிந்தோடும் என் வலியை
நீ உணர..

தேனூறும் என் நெஞ்சின்
தெளிவை நீ  அறிய‌
நீ ....நானல்லவே.

இரவெல்லாம் யோசித்து
விட்டுவிட்டேன் இன்று,
உன்னையல்ல...
உன் மீது நான் கொண்ட கோபத்தை,
என்னை நம்ப வைக்க‌
நான் செய்த யாகத்தை...

ஹை கூ கவிதைகள்

  விதி !

மாற்றம் ஒன்றை தவிர‌

அனைத்தும் மாறிடும் என்று

அறிந்த எனக்கு,

ஆறு வருடம் முன்பே

ஆறிப்போன என் அழகை

அறியாமல் போனது

என் விதியே..

                 

முன்பு

    என்னை கண்டு பிரிகையில்

  அழுதிட்ட உன் மனம்

இன்று

   என்றும் காண விரும்பிடாது

  மாறிட்ட மாயம் என்ன??

உன்னை

    மன்றாடி கேட்கிறேன்

   மறைத்திடாது கூறிடுக‌

   அன்பில் நான் செய்த‌

     குறை என்ன??

          சவுக்கடி

காசில்லை, பணமில்லை

அழகில்லை ,வயதில்லை

ஆனால் அள்ளி கொடுக்க‌

அன்பிருக்கு என்ற என்

ஆணவத்துக்கு சரியான‌

சவுக்கடி கொடுத்து விட்டாயே .....

கேரளத்து பைங்கிளியின் 

பவுர்ணமி பூஜையில்

கிடைக்க போவது

உனக்கு பணமா?

கிடப்பில் கிடந்த‌

உன் வாழ்க்கைக்கு வளமா?

( sorry ithu kavithai alla  )

            ஏனோ??

அன்று

 என் கைபிடித்ததும்

பிறவி பயன் பெற்றதாக‌

கூறிய நீ

இன்று

 என் கண்பட கூடாது

என்று பதறுவது ஏன் ???

      உன் கைபேசி

அன்று ராணிக்காக‌

வாங்கிய உன் கைபேசி

இன்று அவளை தவிர‌

அனைவரிடமும் 

அழகாக பேசுகிறது

I Hate mirror

என்னை கறுப்பழகி என்று பொய்யுரைத்த‌
என் வீட்டு கண்ணாடியை
காலமெல்லாம் வெறுக்கிறேன்...

உணர்ந்த உண்மை

நான்கு வருடம்  என் இதயத்தில்
நங்கூரம் இட்ட நீ,
நான்கு நாட்களுக்கு முன்
பார்க்க பிடிக்காமல் அழித்தது-என்
புகைபடம் மட்டுமல்ல...
புகைபடிந்த மனதையும் தான்.

தெளிந்த ம‌னது தெளிவாக சொன்னது
நான் தேவதையல்ல‌
தேய்ந்து போன " தெரிவை" என்று...


( பேதை,  பெதும்பை,  மங்கை, மடந்தை, அரிவை,  தெரிவை,   பேரிளம் பெண் இது பெண்ணின் 7 பருவநிலை)

அரிவை என்பது 6 வது பருவம்

அஞ்சலி

(டெல்லியில் கற்பழிக்கபட்ட மாணவி வெறும் கற்பழிப்புக்கு மட்டும்
ஆளாகவில்லை,கொடுரமாக தாக்கப்பட்டு கொலை செய்யப்பட்டாள்,
எல்லார் மனதிலும் இவ்வளவு தாக்கம் ஏற்பட அதுவும் ஒரு காரணம்...
அந்த மாணவிக்கு இந்த கவிதை சமர்ப்பணம்.....)

காலதேவன் ஆலயத்தில்
கனவுச் சுமந்த காரிகையே!
காற்று கை தொடுகையில் 
கனிந்து விடும் மாங்கனியே!

மலர் போன்ற உன் தேகம்
மறைந்து விட்டாலும்
எங்கள் மனதோடு
உன் நினைவு படிந்து விட்டதடி...

காமனின் களியாட்டத்தில்
காலாவதியானதுவோ இரக்க குணம்
மருத்துவராகும் உன் கனவை
மண்ணில் புதைத்ததுவே
மிருக மனம்.......

பூவே நீ
உன்னை காக்க‌
புயலாக போராடியும்
பேரிடி தாக்கத்தில் 
சிதறி விட்டாயடி.......

மகத்தான தேவதையே!
மண்ணில் மங்கையருக்கு
எச்சரிக்கை மணியடித்து
நீ மரணத்தை ஏற்றுக்கொண்டாய்....

சாக்கடையில் பிறந்த‌
அந்த சாத்தான்களுக்கு
சட்டம் சாட்டையடி கொடுக்கவில்லை
சாகும் வரை இன்னும் தூக்கிலிடபடவும் இல்லை....

சகோதரிகள் எங்கள் பாதுகாப்பிற்கு
சட்டம் வர காரணமானவளே!
சத்தியமாய் சொல்கின்றோம்,
உன் சமாதி ஈரம் காயும் முன்னே
அந்த காம சாத்தான்களுக்கு
கசையடி நாங்கள் கொடுப்போம்....

தன் உடலும் உயிரும் உருக்கி
எங்கள் உணர்வுகளை தொட்டவளே!
உன் ஆன்மா சாந்தியடைய‌
ஆண்டவனை வேண்டுகின்றோம்.......

கோவை மாநாடு

நித்தம் வேக வைத்து
சித்தம் கலங்கிய,
சிதிலடைந்த என் இதயம்
பித்தம் தெளிந்து
சுத்தமென்றாக்கிய‌
சுதந்திர நன்னாள்.......

பலர் போதனைகள்
செய்த போதும்
வேதனையே வாழ்க்கையாக்கி
வேடிக்கை பார்த்த என்னை
வேரோடு மாற்றி
எனக்கு மறுவாழ்வு
கொடுத்த நாள்.........

காடு மலை தேடியும்
கிடைத்திடாத பேரின்பம்
என் காலடி பனிதுளியில்
நான் கண்டமுதல் நாள்.........

மாபெரும் மாநாட்டில்
மனதிலொரு பெருமாற்றம்
மாறியது நானா? -அல்லது
மாற்றியது ஷாஜகானா?
காரணம் யாரெனிலும்
கடவுளுக்கே நன்றி........

கவிதை

கண்ணனை எண்ணி 
கவிதை எழுத‌
கண்களை மூடினேன்
கன்னம் நிறைத்தன‌
என் கண்ணீர் துளிகள்...

என்னுள் எல்லாமாய்
நீயிருக்க‌
என்னவென்று எழுத?
நீர்,    நிலா,காற்று
எதில் சென்று உன்னைத் தேட?

லட்சம் பல வார்த்தைகள் 
என்னைச் சுற்றி வட்டமிட‌
ஒற்றை வரி கிடைக்கவில்லை
உன்னைப் பற்றி நான் எழுத...

வெற்று காகிதம் என்னை
வெறுமையாய் கேலி செய்ய
வேறெதுவும் தோன்றாமல்
வேடிக்கை பார்க்கிறாய்
என்னுள் நீயிருந்து..........

மெளனத்தின் ஓசை

இரும்பு இதயத்துள்- உன்னை
இறுக்கி பூட்டி வைத்தேன்,
நெருப்பு வார்த்தைகளால்
உருக்கி உடைத்து விட்டாய்..

உன் அன்பு ஒன்றை பெற‌
அனைத்தையும் அடகு வைத்தேன்..
சுற்றம் தவிர்த்தேன்,
சுற்றுலா தவிர்த்தேன்,
நட்பு தவிர்த்தேன்,
நல் விழாவினை  தவிர்த்தேன்,
ஆனால்
நீ என்னை தவிர்த்தது தெரியாமல்...

காதல் வயப்பட்டு
வரம்பு மீறியதால்
வார்த்தைச் சாட்டையால்
விலாசி எடுத்து விட்டாய்
வலி தாங்காது மூர்ச்சையாகும் வரை...

என்னை வேண்டாமென‌
நயமுடன் சொல்லியிருப்பின்
நானாக விலகியிருப்பேன்
வீணாக "வலி"யின்றி.....

உணர்வோடு பேசிய வார்த்தைகளே
உரு குலைந்து போன பின்னே
என் மெளனத்தின் ஓசை மட்டும்
உனக்கு கேட்கவா போகிறது???

வன வாசம்..

மான்க‌ள் மருண்டோட‌ 
மயில்கள் மகிழ்ந்தாட‌ 
குயில்கள் கூடி கூவ
கும்மிப் பாட்டோடு
குதூகளிக்கும் வண்டாட..
வண்ணக் குவியலாய் 
வாசனை மலர்களோடு 
மகிழ்ந்திருக்கும் 
மாலைப் பொழுதில் 
மனதில் சுமையோடு 
ஒருத்தி மட்டும் சாய்ந்து நின்றாள்
ஓரமாய் தென்னையோரம்... 
               ( சீதா தேவி )

அன்பும் விஷமே..

உன் உயிரே நானெனினும்
உரசிச்செல்லும்
என் வார்த்தை ஒவ்வொன்றும்
 உயிரோடு எரிக்கிறது உன் உணர்வை..

உன் சுவாசமே நானெனினும்
 அதன் சூடு தாங்காது
துவண்டு போகிறாய் சில பொழுது...

அன்பை மட்டும் யாசித்த‌
 உன்னைப் பற்றி
 அதிகம் யோசித்தேன்..

உன் ஆணி வேரோ
என்னைச்சுற்றி,
மர விழுதுகளோ
உன்னைச்சுற்றி...
வேரினை விடவும் முடியாது,
விழுதினை வெட்டவும் தெரியாது,
தவிக்கும் உன் உணர்வு
சொல்லாமல் சொல்லியது,
அளவுக்கு மிஞ்சினால்
அமுது மட்டும் அல்ல‌
அன்பும் விஷம் தான் என்று....

நிலா....

காலை விடிகையில்
காற்றில் கரையும் நிலா....

நித்திரை கொள்கையிலும்
தன் முத்திரை மறைக்கும் நிலா...

நினைவுகள் எங்கும்
நீந்திச் செல்லும் நிலா...

என் கனவில் மட்டும்
தினம் வந்து போகும் உலா..

பார்த்து பார்த்து லயித்தாலும்
பாத்திய படாதவளான‌தால்

பங்கு பெற முடியாத‌
உன் வாழ்க்கையில் விழா....

ஏற்றுக்கொள்

பிடிக்கிறது என்பதனால்
காற்றை பிடிக்க இயலுமா?

பிடிக்காது என்பதனால்
சூரியனை மறைக்க முடியுமா?

சொத்து முழுதும் கொடுத்தாலும்
முழுமதியை சொந்தமாக்கிட இயலுமா?

காலச்சக்கரத்தின் ஓட்டம்
என் கால் தடுப்பில் நிற்குமா?

இயலாது ...முடியாது ....நிற்காது...
என தெரிந்தும்

தெறித்து விழும் விழியோடும்
வெம்பி அழும் மனதோடும்
தினம் மல்யுத்தம் ஏனோ??

என் காதல் வாழும்...

உன்னையும் என்னையும் அன்றி
"அவன்" மட்டும் அறிந்த‌
என் காதலை
என்னையும் "அவனை"யும் அன்றி
நீ கூட அறியவில்லை,
இருந்தும் பரவாயில்லை
என் காதல் வாழும்.....

அதற்கு உருவம் வேண்டாம்
மொழிகள் வேண்டாம்
ஸ்பரிசம் வேண்டாம்
விசாரிப்புகள் வேண்டாம்
ஆயினும் என் காதல் வாழும்.....

மெய் மறைக்க வேண்டாம்
பொய்யுரைக்க வேண்டாம்
வரி வரி யோசித்து பேச வேண்டாம்
வார்த்தை அளவிட்டு ஏச வேண்டாம்
ஆயினும் என் காதல் வாழும்.....

சண்டை வேண்டாம்
அதனால் வரும் கண்ணீர் வேண்டாம்
கடந்த காலம் மனதில் கொண்டு
கற்பை கலங்கடிக்கும் வார்த்தை வேண்டாம்
ஆயினும் என் காதல் வாழும்.....

ஏனென்றால்
என் காதல் காதலனும் அறியா காவியம்..
கனவிலே நான் எழுதிய ஓவியம்
ஒற்றையாய் நான் வாழும் ஆலயம்
எனவே என் காதல் என்றும் வாழும்.....

ஸ்ரீ ரமணர் பொன் மொழி

"அவரவர் பிராரப்தப் பிரகாரம்
அதற்கானவன் ஆங்காங்கிருந்து
ஆட்டுவிப்பான்

என்றும் நடவாதது என்
முயற்சிக்கினும் நடவாது;

நடப்பது என் தடை செய்யினும்
நில்லாது.

இதுவே திண்ணம் ஆதலின்
மெளன‌மாயிருக்கை நன்று".



( ஸ்ரீ ரமணர் பொன் மொழி )‌

கடிதம்

[எனக்கு நானே எழுதிக்கொண்ட கடிதம்]


பிச்சை எடுத்து வாழ்வது ஒரு வாழ்வா?
எச்சில் இலை நீயென்றிந்தும்
எருக்கன் செடியே
உனக்கு ஏனிந்த மோகம்?

துளியூண்டு போதையால்
பாதை மாறி போனவளே!
இன்று பைத்தியமாய் ஆன பின்னும்
மீண்டு வர மனமில்லையா?

மாண்டிட மனம் துணிந்த உனக்கு
வாழ்ந்திட வழியில்லையா?

காதல் அமுதம் தான்
அளவுக்கு மிஞ்சி போனதால்
விஷமாகி விருட்சத்தை அழிக்கிறது
அனுமதிக்கலாமா அதற்கு?

வெறுப்பை நெருப்பாய்
கொட்டுகையில்
நெருங்கி போகாதே
நொறுங்கி போகும் உன் இதயம்...

யோசித்து பார் ஒரு நிமிடம்
யாசித்து பெறுகையில்
காதலும் உனக்கு பிச்சை தான்..
பிச்சை எடுத்து வாழ்வது ஒரு வாழ்வா?

நானும் கவிஞன் தானோ?

பலர் சொல்லி கேட்டதுண்டு
கவிஞனுக்கு கற்பனா சக்தி அதிகம் என்று
காதலைப் பற்றிய 'கற்பனை'யில் அது
காலாவதியானதை கூட அறியவில்லையே..........
ஓ! நானும் கூட கவிஞன் தானோ??/‌

ஏன்???

[அடுக்குத்தொடரில் எழுத முயற்சி செய்து இருக்கிறேன் ]


போ போ என் தடுத்தும்
வாவா என்றழைத்த‌
வசந்தமே! இன்று
வேண்டும் வேண்டும்
என்றழுதும்
வேண்டாம் வேண்டாம்
என் மறுப்பதேன்???

தேடி தேடி அலுத்த பின்னே
நாடி நாடி வந்த
அமுதமே! இன்று
வாடி வாடி வதங்கினாலும்
எனை உதறி
ஓடி ஓடி ஒதுங்குதலேன்???

மூச்சடக்கி மூச்சடக்கி
முத்தெடுத்தேன் உன் உருவில்
மூளையில்லா பேதையென்றே
முத்திரை முகத்திரையில்
குத்தியதேன்??

பல பல பேர்களுக்கு
பகிர்ந்தளித்தேன் அன்பினை
அது உனக்கு உனக்கு என்
உருகுவது தெரிந்தாலும்
மருகி மருகி தான் வாழுகிறேன்
இருந்தும் மன்னிக்க மறுப்பதேன்???

காதல் காதல் என்று
கையேந்தி நின்ற போது
காணிக்கை மறுக்கையிலே
மனம் சாதல் சாதல் என்றே
சாஷ்டாங்கமாய் வீழ்கிறதே.........

காரணி

காதலும் ஒரு வகை
சித்ரவதை தான்
இருந்தும் இனிக்கிறது
விரும்பி நான் ஏற்றுக்கொண்டதால்....

அணுக்களை கட்டையாக்கி
ஆர்மோனியம் இசைக்கிறது
இருந்தும் ரசிக்கின்றேன்
என் ரகசியமே அதுவானதால்...

ராத்தூக்கம் பறித்து
பகற்பொழுதே நீள்கிறது
இருந்தும் மகிழ்கின்றேன்
உறக்கத்தில் உன் குரல் கேளாதென்பதால்...

சத்தமின்றி ஓடும் இரத்தம் கூட‌
சலசலத்து கேட்கிறது
இருந்தும் சங்கீதமாய் உணர்கின்றேன்
உன் பெயரை அது உச்சரிப்பதால்....

ஆனால்

உண்மையில் துடிக்கும்
என் இதயம் மட்டும்
இன்று வரை கேட்கவில்லையே ஏன்?
ஓ ! உன் நினைவுச் சுமையில்
நினவிழந்து கிடக்கிறதோ !

அறிவேன்

உயிரை விட உயர்வான
ஒரு வார்த்தை
உன் பெயரன்றி
வேறொன்றும் நானறியேன்....

பாசத்தை பதியமிட்டு-நீ
ஓசையின்றி ஒதுங்கி நிற்க‌
உலகிலே உன்னையன்றி
வேறுருவம் நானறியேன்....

உயிரே உயிரே என்றழைத்து
என் உயிர் மூச்செல்லாம் திருடிச் செல்ல
உறவெல்லாம் கூடி கேட்டும்
நான் யாரென்றே நானறியேன் ......

உன்னை என்னை படைத்த பிரம்மன்
உண்மையில் குழம்பி விட்டான்
நீயும் ,நானும் யாரென்று???

அது பாதி வாழ்வில்
உயிர் பெற்ற "பரணி " என்று
படைத்தவனோடு
நான் மட்டும் அறிவேன்.....

அமைதி

சுனாமி தோன்றும் வரை
ஆழ்கடல் அமைதி தான்...

'மேக்மா' சிதறும் வரை
எரிமலையும் அமைதி தான்...

பட்டென கொட்டும் வரை
தேள் கூட அமைதி தான்...

இடியும் மழையும் இணையும் முன்
கார்மேகமும் அமைதி தான்...

மன்னித்து விட மன்றாடியும்
மறுத்து வறுக்கும்(வார்த்தையால்)
நீ கூட அமைதி தான்....

அமைதியே உனது
பெயர் காரணம் தான் என்ன??

வால் நட்சத்திரம்

[ மிகுந்த கஷ்டத்தில் இருந்த ஒரு பெண்ணை
ஒரு வசதியான வீட்டு பையன் விரும்புகிறான்
அவர்களை பற்றிய கவிதை]

நீல வானமாய் என்
நிர்மல வாழ்வில்
நீண்ட தொலைவில்
தோன்றியது வால் நட்சத்திரம்.....

கார் மேகம் சூழ்கையில்
கண்ணெதிரே தோன்றியிருப்பின்
அடை மழை பொழிந்த கண்கள்
அமுத மழையில் நனைந்திருக்கும்....

இடி மின்னல் உரசலில்
இடையினில் உதித்திருந்தால்
பூர்வ ஜென்ம பந்தமொன்று
புது பிறவி எடுத்திருக்கும்.........

சுடு நெறுப்புச் சொல்லிலே
சுக்கு நூறாய் சிதறுகையில்
தூரத்திலாவது வந்திருந்தால்
வசந்தம் வேர் விட்டு துளிர்திருக்கும்.........

ஆனால்...

மின்னலில் மிதிபட்டு
அடைமழையாய் அழுத பின்னே
நெருப்பாய் மனம் தகிக்கையிலே
வந்து நின்றாயே ஏன்?

என் வேதனை தணிக்கவா [வா?]
வேரறுந்த கொடியென்னை
உன் தோளில் சாய்க்கவா [வா?]
உயிர் பிரிந்து போகும் வேளை
உன் உயிரை ஊற்றவா [வா?]
இல்லையெனில்
வாழத்தால் வழியில்லை
என்னோடு சாகவா [வா?]

இறுதியாய் கூறுகிறேன்
இனியாவது வந்து விடு
இருவரும் புவியிலே
புது விண்மீனாய் ஜொலித்திடுவோம்..........

உன்னுள் கண்டேன்

[ தன் பையனே உலகம் என்று எண்ணிய‌
தாய் அவன் வேறு பெண்ணை விரும்பியதும்
அதை எண்ணி புலம்பியது ]

எனக்கோர் புது உலகம்
உன்னில் நான் கண்டேன்.

என்னுயிரின் மறுபாதி
உன்னுடலில் உலவக்கண்டேன்...

ஆறடி உயரத்தில்
அடை மழை நான் கண்டேன்...

அதில் துளியூண்டும் குறையாது
அனுதினம் நனையக்கண்டேன்...

அங்கேயும் ஒரு இதயம்
எனக்காகத் துடிக்க கண்டேன்...

அதில் அணுவெல்லாம்
துகள் துகளாய் என் நினைவு தான் என்றேன்...

அதில் ஆக்ஸிஜன் குறைகையில்
என் மூச்சு திணறக்கண்டேன்...

உறவுகளை மதியாது
உலகத்தை ஒதுக்கி வைத்தேன்...

நீ ஒருவன் போதுமென்று
புது உலகம் நான் செய்தேன்.....

அதை உற்று பார்க்கையில் தான்
உன் குரல் கேட்க கண்டேன்...

உனக்கென்று ஒரு மனம்
இருப்பதை உணர்ந்து கொண்டேன்...

அதில் விருப்பொன்றும் வெறுப்பொன்றும்
இருப்பது தெரியக் கண்டேன்...

சடுதியில் என் உலகம்
சரியக் கண்டேன்...

ஊரார் கை கொட்டி சிரித்திடும்
கரகோசம் கேட்க கண்டேன்...

காண்பது கனவா என்று
கண் கலங்கி ஒதுங்கி நின்றேன்....

மௌனத்தின் தாக்கம்

அழகு விள‌க்கொன்று எரிய‌
அதை விளையாட்டாய் என் விரல் தடவ‌
ஒரு முறை சுட்ட காயத்தில்
ஓராயிரம் ஓட்டைகள்
என் இதயத்தில்...

பேசியே பழி வாங்கும் உலகத்தில்
பேசாது பைத்தியமாக்க‌
எங்கு நீ கற்று கொண்டாய் ?
வைத்தியத்திற்கு வழியின்றி
வாய் மூடி அழுகின்றேன்...

நெருப்பைக் காதலிக்க‍‍‍‍‍‍‍‍_ நான்
நெருப்புக் கோழியுமில்லை
நெருப்பென்று விலகிச் செல்ல_என்
நெஞ்சிலே துணிவுமில்லை...

சுட்டிடும் சூரியனை
சுற்றிடும் பூமியாக‌
எட்ட நின்றேனும் பார்த்திடுவேன்
ஏங்கிடும் இதயத்தை
தாங்கிக் கொண்டே.....

காதலுக்கே காதல் பரிசு

( நம் வாழ்வில் நடந்தால் மட்டும் தான் கவி எழுதமுடியுமா?
பிறரையும் என்னைப் போல் எண்ணியதால் எழுதியது தான் இந்த கவிதை)


என்னை தெய்வம் என்றாள்
என் தாய்...
தேரில் வந்த தேவதை என்றார்
என் தந்தை....
தேன் மதுர கவி என்றாள்
தோழி....
எதிலும் அசையாத என் மனம்
நீ "உயிரே" என்ற போது
உருகி ஓடியது ஒரு நொடி...

அன்றிலிருந்து
பறந்தேன் ..பறந்தேன்
பரவசத்தில் விண்ணை த்தாண்டி மிதந்தேன்..

விண்மீனை உமக்கு பரிசளிக்க‌
மீண்டும் மண் நோக்கி தவழ்ந்தேன்...

வழிபோக்கன் சொல் கேட்டேன்
வராதே பெண்ணே
நிஜம் வேறு நிழ‌ல் வேறு
நிஜம் நிஜமாகி விட்டது
நீ வெறும் நினைவாகி விட்டாய் என்று...

நொறுங்கிப் போனேன் நான்
அழுதேன் அரற்றினேன்
பித்து பிடித்து பேதலித்தேன்..

தெளிகையில் மனம்
தெளிவாய் சொன்னது
உன்னை உயிரென்ற உடல்
அதன் உயிரோடு சேர்ந்தது
உன் காதல் உண்மையெனில்
விட்டு கொடு " உன் உயிருக்காக"என்று..

இடிந்து போன என் இதயம்
இறுக மூடி க்கொண்டது
இம்மையில் மட்டுமல்ல‌
மறுமையிலும் எவரும் நுழையாதிருக்க.....

மறுக்கப்பட்டக்காதல்

நாம் பேசாத நாளெல்லாம்
கனவினில் நீ வந்து
என் கால்களை தடவிப் பார்
தழும்புகளின் எண்ணிக்கை
எகிறி போயிருக்கும்
என் இதய துடிப்பை போல...


தீராத மோகத்தில்
தீயும் முத்தமிட‌
தங்க நிற தோலிலே
கருப்பு நிற வட்ட நிலா...
வருடிக்கொண்டே வாழ்ந்திடுவேன்
உன் நினைவின் பதியமென்று...

என்றாவது ஒரு நாள்
என் மரணச் செய்தி
கேட்க நேர்ந்தால்
மறுக்காது ஒத்துக்கொள்
விதைத்தது நீயென்று...

மறுஜென்ம விதியிருப்பின்
விதிவிலக்காய் வேண்டிடுவேன்
வீணாய் போன மனிதனை விட‌
மந்தியாய் பிறப்பெடுக்க..
மறுக்கப்பட்ட காதலது
மறுபடியும் துளிராதிருக்க‌.........

எரி தழல் ஏந்தி வா.....

விண்ணும் விரிசல் விழ‌
விளைநிலமெல்லாம் வீடாக‌
வியர்வையை முத்தாக்கி
விளைவித்த நெல்மணியை
தன் சொத்தாக்கி
சோறு போட்ட விவசாயி
வாழ்வில் சோகம் போக்கிட‌
எரிதழல் ஏந்தி வா.....

பள்ளிச் செல்லும் பட்டாம்பூச்சி
பசியினை பகடையாக்கி
பிஞ்சு பொன்விரல்கள்
கன்றி தழும்பேற,
கட்டிய கனவுக்கோட்டையை
காற்றில் சுக்கு நூறாக்கும்
சுய நல அரக்கனை அழிக்க‌
எரிதழல் ஏந்தி வா....

அன்னையால் பிறந்தும்
தங்கையோடு வளர்ந்தும்
தாரமாய் வந்தவளின்
தங்க குணம் பாராது
தங்கத்தை எடைபோட்டு
அவள் அங்கத்தை பஷ்பமாக்கும்
வரதட்சணை அரக்கனை
வேரோடு அழிக்க‌
எரிதழல் ஏந்தி வா....

கருவிலே உருவாக்கி
உயிரையே திரியாக்கி
ஊண் உருக உனை வளர்க்கும்
உன்மத்த பெற்றோரின்
உள்ளம் தகர்த்து
முதியோர் இல்லம் அனுப்பும்
முட்டாள்களை மூழ்கடிக்க‌
எரிதழல் ஏந்தி வா...

தோல்வியிலும் வென்ற காதல்

பல்லவர் காலத்தில்
பதியம் போட்டு
பாதியில் பறித்தெரியப்பட்ட‌
பாராசீக ரோஜா
வீதியில் வீழும் முன்னே
வீழ்ந்தது உன் விழியில்
புதைந்தது உன் மனதில்...

தொல் பொருள் ஆராய்சியாளர்
தோண்டி தோண்டி பார்த்தாலும்
தோராயமாக கூட
ஆராய முடியாது
புதைந்து போயும்
சிதைந்து போகாத‌
சிற்பமான என் உருவம்......‌

எண்ணூறு ஆண்டுகள்
என்னைச் சுமந்த உன்னை
இந்நூற்றாண்டில் உணருகையில்
உச்சி முதல் பாதம் வரை
உதறல் கண்டே
உள்ளிருப்பு போராட்டம்
தொடர்ந்து கொண்டேன்...

தோல்வி நம்மை தொடரும் வரை
தோற்று போவது நாமல்ல,
வேற்றுக்கிரகம் போனாலும்
நம்மை வேரறுக்க யாருமல்ல,
ஊணில் உயிரில் கலந்த பின்னே
விடும் மூச்சுக் காற்றும் வேரல்ல,
நம் மூச்சு நின்று போனாலும்
முற்றும் போடும் உறவும் அல்ல.....‌

தாய் பாலின் மகத்துவம்

தாய் வழி பிள்ளைக்கு
தானாக தேனாக‌
தங்க பஸ்பமாக‌
ஊணாக உயிராக‌
இரத்தமெல்லாம் பாலாக‌
பாசத்தின் உச்சமாக‌
பாலூட்டும் போழ்தினிலே
பாவையரெல்லாம்
பாரினிலே
பரமனை விட உயர்ந்து விட்டோம்....

பிள்ளை கனியமுதை
அள்ளி அணைத்து
அமுதூட்டும் நேரமெல்லாம்
அதனோடு கை கோர்த்து
துளியூண்டு பசி போகும்
மலையளவு பாசமேவும்...

நோய்க்கு விடை சொல்லும்
நோய் எதிர்ப்பு திரவம்
தினம் தினம் தாய் தரும்
தாய் பாலின் வடிவம்...
தாய்மையின் புனிதத்தை
தானாக நிறுத்திடாது
தாராளமாக கொடுத்திடுக‌
கொஞ்சும் குழவி வளரும் வரை

கலைந்திடும் கனவு.....

கனவு கோட்டைக்குள்
காதல் தூளிக் கட்டி
காலமெல்லாம் ஆடி களிக்க‌
அப்பாவி ஒரு கிளி ஆசை பட,
ஆண்டவன் சிரித்துக் கொண்டான்
ஆடு பெண்ணே ஆடு ‍_உன்
அல்பாயுள் முடியும் வரை ஆடு..

நிஜம் எரித்து
நிழல் நிர்மூலம் ஆன போது
உறைத்தது உண்மை
யாரோ எழுதிய பாடல் வரியில்..
கனவு காணும் வாழ்க்கை யாவும்
கலைந்து போகும் கோலங்கள்...

காதல் விஸ்வரூபம்

கானல் நீரான காதலை
கண் முன்னே காணுகையில்
கற்பனை வளமென்று
கண் மூடி யோசித்தேன்....

உன் பாச வெள்ளத்தில்
பாதி மூழ்கி போன போதும்
பார்ப்பது கனவென்று
பக்கத்தில் பேசிக்கொண்டேன்...

ஈராண்டு தேக்கத்தை
இரு வரியில் இயம்புகையில்
இதயச் சுவரெல்லாம்
இரத்தச் சுனாமி கண்டேன்...

வெறி பிடித்த வேங்கையாய்
என்னை வேட்டையடி வெல்லுகையில்
வேறெதும் தோணாது
அன்பில் கூட அஹிம்சை கண்டேன்...

அண்ணாந்து நான் பார்க்க‌
விண் முட்ட உன் உருவம்
உன்னுள்ளே எனைக் காண‌
எமனையும் எதிர்க்கும் கர்வம் கொண்டேன்.

காதல் வளர்த்தேன்

காதலியே காதலி என்றாய்
காதல் கொண்டேன்
நானும் உன் மேல்....

கசடில்லா காதலோடு
கையை பிடித்தாய்,
கட்டியணைத்தாய்,
கைப்பிள்ளையாய் எனை மாற்றி
கன்னம் சுவைத்தாய்,
கண்களது கள்வெறி கொள்ள‌
அன்பனைத்தும் அள்ளி குடித்தாய்,
அன்றே
என் ஆணிவேரை
அசைத்து பார்த்த‌
உன் உள்ளத்தை காதலித்தேன்,
உணர்வை காதலித்தேன்,
உன்னுள் இருக்கும்
என்னை காதலித்தேன்,
எனக்காக துடிக்கும்
இன்னொரு இதயம் என்ற‌
இறுமாப்புடன் இறுதியில்
உன்னை நான் காதலித்தேன்.....

தமிழ் ஊறிய சமூகத்தில்
பெண்ணாகிய பாவத்தால்
மண்ணாகி மறையும் வரை
மனம் குளிர காதலித்தேன்
காதலிக்கிறேன்
காதலித்துக்கொண்டே இருப்பேன்.......

எனக்கே எனக்கு

நாய் பெற்ற‌
தெங்கம்பழம் அல்ல நீ
நான் கேளாது பெற்ற
தங்க வரம்.....

வரம் கொடுத்த சாமியே
வந்து நின்று கேட்டாலும்
வன்மையாய் மறுத்திடுவேன்
தண்மையாய் உணர்த்திடுவேன்........

தாயான பின்பு
நான் கேட்ட‌
முதல் தாலாட்டு கவிதை நீ......

தான் தோன்றி சுயம்புவாய்
என்னுள் வளர்ந்த‌
காதல் சொரூபம் நீ......

சொக்கப்பனை சாம்பலை
பூக்கச் செய்த‌
சோலை நிலவொளி நீ....

பாலைவன மனதை
பரவசப்படுத்திய‌
பசுந்தளிர் நீ....

உன்னை பகிர்ந்தளிக்க முடியாது
பரிதவிக்கும் எனக்கு
நாய் பெற்ற‌
தெங்கம்பழம் தான் நீ.....

நிஜத்தின் நினைவுகள்

காலை பனியிலே பனித்துளி
மாலை பூவிலும் மழைத்துளி

உலகம் உறங்கையில்
உன்னுள் கேட்கும்
என் மன ஒலி....

இமைகள் தழுவையில்
எனக்குள்ளும்
அதன் எதிரொலி......

பாதி ஜாமம் விழிக்கையில்
என் செவியிரண்டில்
உன் சிரிப்பொலி......

மறுபடியும் உறங்கையில்
உணருகிறேன்
உள்ளமெங்கும் புது வலி.....

உயிரும் உணர்வும் கலக்கையில்
உன்னை என்னை கேளாது
உடல்கள் இயங்கும் தனி வழி.....

நினைவு

மூடுபனியால் மூழ்கி
உறை பனியால் உறைந்து
ஊணும் உடலும்
விரைத்து விட்ட போழ்தினில்
உள்ளம் மட்டும்
வியர்த்துக் கொட்டி போனதடா
உள்ளிருக்கும் உன் நினைவால்

மூணார்

மூன்று நாட்களாக தேடியும்
முழுவதும் தெரியவில்லை
முற்றிலும் மூடப்பட்ட‌
மூணாரின் முகவரி...

தேயிலையின் மலை குடைந்து
தேரென ஊர்ந்து சென்று
'தெய்வத்தின் திருநகரின்'
வீதி வரைச் சென்று விட்டோம்...

விடிந்த பின்னும்
விலகவில்லை
விண்முட்டும் பனிப்புகையும்
வியப்பூட்டும் மழைதுளியும்....

வியந்து வியந்து பார்த்தாலும்
விளங்காத அழகுடன்
விடியலிலும் விண்மீன்கள்
மின்மினியெனும் பெயரோடு...

கண்மணி என் கண்களது
கலர் குருடு ஆனது போல்
காணும் இடமெல்லாம்
பச்சை வண்ணம் படமெடுக்க‌
மீதி வண்ணம் தேடி நின்றேன்
மீண்டும் மலையிறங்கி
மதி மயக்கம் தீரும் வரை.....

நண்பர்

[எனது நண்பர் தினேஷ் பாபு விற்காக எழுதிய கவிதை]


அறிமுகமோ பல வருடம்
அருகாமையோ சில வருடம்,
ஆண்களென்றால் ஆண்டவனாம்
அகராதி பிடித்த உலகத்தில்.....

உன்னில் நான் கண்டேன்
உவர்ப்பில்லா ஒரு உள்ளம்,
பார்வையில் தெரிந்த உன் உருவம்
பழகி பார்கையில் மழலை வடிவம்....

குழம்பியது மனம்
புலம்பியது தினம் தினம்,
தாலாட்ட தாய் வேண்டாம்
தட்டிக் கொடுக்க நீ போதும்...

தாளாது அழும் வேளை
நான் சாய உன் தோள் போதும்...

எழுத நினைக்கையில் எல்லாம்
ஊற்றெடுக்கும் வார்த்தைகள்
உன்னைப்பற்றி நினைக்கையில் மட்டும்
கறைபுரண்டோடியதே...
ஓ..... இது தான் "நட்பீர்ப்பு " சக்தியோ???

நரக சுகம்

ஊர் உறங்க‌
உலகம் அடங்க‌
என்னுள்
அடங்கா மிருகம் ஒன்று
அசை போட்டு எழும்ப‌
எகிறி குதித்த இதயத்தில்
ஏறி இறங்கியது
இரத்தம்‍_அதன்
அணுவெல்லாம் உனது
சத்தம்.......

சத்தத்தின் சங்கீதமா
இரைச்சலின் இம்சையா,
இரண்டுக்கும் இடைப்பட்ட
இனிய அவஸ்தையா,
ஹார்மோனின் நர்தனத்தில்
நடு இரவு நரக சுகமா?....

நானறியா நாரத கலகம்
ஐம்புலனில் அரங்கேர,
அசைவற்று கிடக்கிறேன்
ஆறாவது புலனில்
உன்னை சுமந்து....

தெளிவு கொள்....

நிலவினில் வாழும்
நிலா பெண் நீ,
நட்சத்திரத்தை நம்பி
நலிவடைந்து போகாதே....

விண்மீன்கள் வியந்திடும்
செங்காந்தல் மலர் நீ,
உன் கூந்தல் மணம் சேர்க்க‌
மின் மினி பூ போதாதே...

செந்தூரான் சேவடியில்
பொற்றாமரை மலர் நீ,
சேற்றுக்குள் மூழ்கிடும்
செந்தாமரை ஆகாதே...

புரிந்து கொள் பெண்ணே!
புன்னகைக்கும் புது மலர் நீ,
மணம் வீசும் மனம் கொள்
மனம் கொல்லும் குணம் கொல்லாதே....

பூவுக்குள் பூகம்பம்
மனதுக்குள் எரிமலை
மழை நீராய் உன் நெஞ்சம்‍‍_அதில்
கலந்திட்டதே காதலென்ற துளி நஞ்சும்...

தூசி தட்டி எழுந்திடு
சூரிய கதிர் பிடித்திடு
தூரிகையாய் நினைத்திடு
தூயவளாய் உனை வரைந்திடு...

மண்ணோடு மண‌ம் புரிந்தும்
விண்ணேடு கரம் சேர்க்கும்
முறையில்லா ம‌ர‌ங்களுக்கு
பெயர் கூட தெரியவில்லை..

வெட்டி வைத்த‌
கேக் துண்டுகளாய்
வட்ட வட்ட
தேயிலைகள்....

விமான பயணம்...

அன்று
அண்ணாந்து பார்த்த‌
ஆகாய பறவை,
இன்று
என் அரையடி தொலைவில்..

ஆனந்த அதிர்வில்
அதனுள் அமர‌
சூரியகதிரோடு கைகோர்த்து
கடலை பார்த்து
கண் சிமிட்டியது..

மேகத்தை முத்தமிட்டே
மேல் நோக்கிச் செல்ல செல்ல‌
மேனியெல்லாம் சில்லிட‌
எட்டி பார்க்க எத்தனிக்கையில்
பூளோகமே ஒரு புள்ளியானது..

நாற்பது நிமிடம்
நானிலம் மறந்தேன்
நானென்பதும் மறந்தேன்
வின்னிலே மிதந்தேன்
இலங்கையை அடைந்தேன்...

மண்ணை
தொட்டன எம் கால்கள்
முத்தமிட்டன அவர் உதடுகள்..
பிறந்த மண்ணை
பிரிந்த துயரில்
இறுகிய அவர் இதயம்
இணைந்த மகிழ்வில்
இளகி கசிந்தது..

அசோக வனம்...

அழகிய வனம்
அதிலொரு பயணம்
அடர்ந்த காட்டுக்குள்
அசோக வனம்...

அழகின் உச்சமென‌
அதிலொரு குளம்
ஆற்றின் மறுபக்கம்
அனுமனின் பாதம்...

உள்ளம் களிகொள்ள‌
உலகம் மறந்தேன்
உறைந்திடும் பனி நீரில்
பாதம் நனைத்தேன்...

சுட்டது தண்ணீர்
சுருக்கென பட்டது மனதில்,
இது தண்ணீரல்ல‌
சீதை அழுத கண்ணீர்...

கண்ணனின் காதலி‍‍-என்
கண்களில் நீர் துளி,
காதலின் பிரிவெண்ணி
ஆற்றில் கலந்தது
மீண்டும் என் நீர் துளி.....

புத்தாண்டு வாழ்த்துக்கள்...

பழைய கவலை மறந்திட்டு
மனதில் புதிய கவிதை மலர்ந்திட,
சுக துக்கம் இரண்டிலும்
சுகமே என்றும் நிலைத்திட,
குளிர் நிலவாய் மொழி பேசி
வாழ்வு சூரியனாய் நிலைத்திடவே,
சூத்திரங்கள் சொல்ல வரும்
வருடத்தை வரவேற்போம்..
"வாழ்க வையகம்"

காதல்..

காதல்
இரு மனம் கலந்து
வெளிவரும் உணர்வு
இரவெல்லாம் அழுதால்
அதிலேதோ தவறு...

காதல் என்ன கத்தரிக்காயா
சமைத்து ருசி பார்க்க?
கண்களுக்குத் தெரியாத‌
கண்ணீர் துளிகள்...

காயாத நினைவுகளின்
காய்ந்து போன வடுக்கள்
காலச்சக்கரத்தில் சிதைப்பட்டு
கன்றி போன காவியம்...

பல‌ சச்சரவுகளிடையே
சமாதியாகி போன‌
என் காதலுணர்வை‍‍
நீ...
மலர்வளையம் வைத்து
மறுபடியும் உயிரூட்ட‌
உணர்கிறேன் புது வலி,
உள்ளமெல்லாம் உயிர் வலி...

என்னுயிர் பிரியா...

சிக்கலான சில பொழுது
சிறகு வலித்து துவளுகையில்
சிக்கெடுத்தச் சிறு விர‌ல்கள்
சீரிய அவள் மொழிகள்,
என்னோடு சிரித்த பலரோடு
எனக்காக அழுத அவள் விழிகள்,
அனைத்தும் கருவாகி
அகம் தன்னில் நெருப்பாகி
அடுத்த பிறப்பிலும்
அன்பாய் உருவாகும்...



குன்றத்தில் ஒளிர்கின்ற‌
கோஹினூர் வைரமவள்,
ஓலமிடும் மன ஒலியில்
ஒன்று கூட கேட்டிடாது,
ஓசையின்றி ஒதுங்கி விட்டாள்
என் உயிரை மட்டும் உருவிக்கொண்டு

என்னுயிர் காதலியே !

ஜீவனுக்குள் ஜீவிக்கும்
என் ஜீவிதமே !
உன் ஜீவனதை குளிப்பாட்டும்
ஜீவ நதி நானே... !

சிந்தனைச் சிதறடித்த
சிங்களத்தமிழ் பெண்ணே!‌
என் சிந்தையதில் அமுதாக‌
கலந்தவளும் நீ தானே....!

அணுவெல்லாம் நுழைந்தாடும்
ஆளுயர ஆக்ஸிஜனே
என் சுவாசமதை சூடேற்றும்
செஞ்சூரியனும் நீ தானே....!

உள்ளத்தில் "கள்"ளாகி
காட்சிதனில் கருவாகி
என்னை களவு கொண்ட
காதலியே !

களிகொள்ளும் என்னுள்ளம்
உன்னை கவிபாடும் போதெல்லாம்...!‌

நிஜம்.

வாழ்க்கையில் ஏமாந்தவள் அல்ல நான்
ஏமாற்றமே வாழ்க்கையாய் கொண்டவள்....
நிலவை நான் விரும்பினால்
நிலவொளி கூட என்னை விட்டு விலகி விடும்....
பதினேழு வய‌தில்
படிப்பை இழந்தேன்.....
பதினெட்டு வயதில்
பிறந்தகம் இழந்தேன்....
இருபதில் இளமை இழந்தேன்..
வருடம் செல்லச் செல்ல‌
வாழ்வில் எல்லாம் இழந்தேன்..
இறைவனும் என்னை விரும்பாததால்
இரு முறை முயன்றும்
சாவை இழந்தேன்...
பிறகு ஏனிந்த வாழ்க்கை என்ற‌
உன் ஏளன பார்வை புரிகிறது...
சொல்கிறேன்...நான் வாழத்தான் வேண்டும்
என் வண்ணத்துப்பூச்சிகள்
வானில் சிறகடிக்க‌
நான் வாழ்த்தான் வேண்டும்...
இழந்த சிரிப்பொலி எல்லாம்
என்னைச் சுற்றி என்றும்
கேட்கத்தான் வேண்டும்...
அதற்காக எதையும் இழப்பேன்
என்னையும் இழப்பேன்....

கண்ணீர்

ஆண்டவனிடம் கண்ணீர் சிந்து
அருள் மழை உனை நனைக்கும்,

அடுத்தவனுக்காக கண்ணீர் சிந்து
அன்பின் அலை உனை அணைக்கும்,

அஃதின்றி

காதலுக்காக
கண்ணீர் சிந்தும் மானிடா!
நீ சிந்தும் விழி நீரின்
விலையறியாயோ?

கண்ணீர் என்ன கங்கை நதியா
வற்றாது உன் கண்ணில்
வழிந்தோட?

அதனை.....

அன்னைக்கு கடன் கொடு
ஆனந்த கண்ணீரில் உனை நனைப்பாள்

தென்னைக்கு கடன் கொடு
தேடி வந்து தாகம் தணிப்பாள்...

கார் முகிலுக்கும் கொஞ்சம் நீ கொடு
அகிலத்தை அடை ம‌ழையால் நனைத்திடுவாள்

ஆனால்.....

காதலுக்கு மட்டும் கொடுத்து விடாதே
காலமெல்லாம் கண்ணீரில் கரைந்திடுவாய்...

கால‌ங்க‌ள்

கருவோடு உயிராகி
உணர்வோடு உயிராகி
தாயின் மடியில் உலாப்போனது
வாழ்வின் நிலாக்காலம்...

"பேதை"பெண்ணாகி
போதை மொழிபேசி
பொலிவுடன் திகழ்ந்தது
வாழ்வின் இளமைக்காலம்...

"பெதும்பை"பருவத்தில்
பதுங்கியிருந்ததால்
பாதி உலகம் மறந்த‌து
வாழ்வில் வசந்த காலம்...

"மங்கை" நான் மலராகி
மணாளன் தோள் மீது
மயங்கி மகிழ்ந்தது
வாழ்வின் வசந்த காலம்...

"மடந்தை" பருவத்தில்
மழலையின் மொழியில்
மகிழ்ந்து குலைந்து கரைந்தது
வாழ்வின் பொற்காலம்....

"அரிவை" யாகி அனைத்தும் அறிந்து
தெரிவை பெண்ணாகி
தெளிந்து நிற்ப‌து
வாழ்வின் நிக‌ழ்கால‌ம்....

"பேரிளம்" ப‌ருவ‌த்தில்
பேர‌ன் பேத்தியுட‌ன்
பேரான‌ந்த‌ம் பெற‌‌ப்போவ‌து
வாழ்வின் எதிர் கால‌ம்....

வா என்ற‌ழைத்து
வ‌ருந்தி அழுதாலும்
வ‌ராம‌ல் போவ‌து
வாழ்வின் இற‌ந்த‌கால‌ம்....

கண்ணன் என் காதலன்

வளைந்து செல்லும் சாலையில்
உயர்ந்து நிற்கும் பாறையில்
மயங்கி நான் தேடுகிறேன்
'மதுசூதனா' உன் எழிலை!

வெள்ளி நீர் வீழ்ச்சியில்
அது துள்ளி விழும் ஓசையில்
ஓய்வின்றி பார்க்கிறேன்
'கார்முகிலோன்' களிநடனம்!

சோலை நில‌வொளியில்
கான‌ குயிலொலியில்
க‌சிந்துருகி யாசிக்கிறேன்
'க‌ண்ணா' உன் குழலொலியை!

மேனி த‌ழுவும் ம‌ழைத்துளியில்
எனை மூடும் ப‌னிப்புகையில்
ம‌ன‌தார‌ உண‌ர்கின்றேன்
'மாதவா' உன் ஸ்ப‌ரிச‌ம்!

புன்ன‌கைக்கும் புது ம‌ல‌ரில்
பூத்திட்ட‌ ப‌னித்துளியில்
ப‌ரவுத‌ய்யா உன் வாச‌ம்
'ப‌ர‌ந்தாமா' நீயெ என் சுவாச‌ம்!

எங்கெங்கு நோக்கிலும்
உன் உருவ‌ம் தானென்று
க‌ண் மூடி தூங்கினேன்
க‌ன‌விலும் வ‌ந்து க‌ள‌வாடி சென்றாய‌டா...

[கொடைக்கானல் செல்லும் போது எழுதியது]

தோழியின் பிரிவும்,தோழனின் வரவும்.

மகேஷ்வரன் மறுத்தும்
மண்ணுக்குள் மறைந்த‌
மாணிக்கப் பெண்ணின்
மலர் முகம் காணாது,
பித்து பிடித்து
பேதலித்த பேதையினை,
போதையேற்றி தெளிய வைக்க
போராடும் போதினிலே,
மூடுபனியாய் எனை மாற்றி
மூச்சு விட வைத்த‌
மூலிகை மாணவன் ‍_ உன்னை
மூப்பினிலும் மறவேனே!

இலக்கணக்காதல்

பெண்மையின் இலக்கணத்தை
'புணர்ச்சி' (மன)விதிப்படி
புணர்ந்து
இலக்கணப் பிழையாக்கிட்ட‌
என் தலைவனுக்கு
இதயம் எழுதிய‌
இரு வரி 'குறுந்தொகை'யை
'குழு உக்குறி'யில்
குறிப்புணர்த்த‌
'மங்கலச்சொல்'
மனதினில் மலரவில்லை
தமிழ் மொழி கற்ற தமிழனுக்கு
'விழி மொழி' கற்க‌
கண நேரம் கிடைக்கலியோ?


['புணர்ச்சி' 'குழு உக்குறி' 'மங்கலச்சொல்' ]
இதெல்லாம் தமிழ் இலக்கணத்தில் வரும் சொற்கள்

பெண்ணே நீ

பசித்தவனுக்கு மட்டும்
உணவாய் இரு
பசியற்றவனின்
ஊறுகாயாகி விடாதே...

அறிவுப் பசியென்றால்
கல்வி களஞ்சியமாயிரு...

காதல் பசியென்றால்
கட்டிய மனைவியாயிரு...

காமப்பசியென்றால்
கற்பில்லா காதலியாயிரு...

ஆனால்
அன்பு பசியென்றால்
அனைத்துமெ நீயாயிரு...

மறந்து விடாதே பெண்ணே!
பசித்தவனுக்கு மட்டும் உணவாயிரு...

இளவரசியின் முடிவு

ஒரு சிறிய கதை....

[ஒரு இளவரசியை சேர நாட்டு படை தளபதி விரும்புகிறார்.
ஆனால் அவள் தந்தையோ வெரொரு வணிகரை மண‌ம் செய்து வைக்க‌
விரும்புகிறார், எது தெரிந்து மூவ‌ரும் ஒருவருக்கு ஒருவ‌ர்
விட்டு கொடுப்பதாக நினைத்து தன் உயிரை மாய்த்துக் கொள்கிறார்கள்..
இதை பார்த்த இயற்கை தேவன் அடுத்த பிறவியிலாவது மூவரும் இணைந்து
சந்தோசமாக வாழ ஆசிர்வதிக்கிறார்..

மறுபிறவியில் அவள் வணிகரை முதலில் மணம் முடித்து விட்டாள்.‌
நீண்ட இடைவெளிக்கு பிறகு தளபதியை சந்திக்கிறாள்...அப்போது அவள் என்ன‌
முடிவு எடுத்தால் மூவரும் சந்தோஷமாக வாழலாம்????]



முடிந்து போன‌
சொந்தமொன்று
முல்லை மலராய்
மூச்சு விட‌
வானம்பாடியாய் வந்தது
வணிகரின் காதல்...

வசந்த கால நதியினிலே
சுழல் ஒன்று வந்தது போல்
தலையெடுத்த காலம் வரை
வாராத தளபதி
தலை நரைத்து போகும் முன்
வந்து விட்ட கோலமென்ன?

இயற்கை தந்த சாபமோ
இளவரசி செய்த பாவமோ
இன்றும் காதல்
இதயத்தை கிழிக்கிறதே....

காலம் கடந்த காதலை
கருத்தினில் ஏற்க முடியாது
காம‌ம் க‌ட‌ந்த‌ காத‌லாய்
க‌ண்ணுக்குள் சிறை வைத்தாள்
'ந‌ட்பாக‌'

முறையற்ற காதல்

[ஒருவர் ஒரு பொண்ணை விரும்புகிறார்...அந்த பொண்ணுக்கும்
அவரை பிடிக்கும்...ஆனால் அவர் அவளுக்கு அண்ணன் முறை..
அது தெரிந்து அந்த பெண்ணின் உணர்வுகள்]


காதலுக்கு கண்ணில்லையென்று
எனக்கு தெரியும்,
உறவு முறையும் இல்லையென‌
நீ சொல்லி தான் தெரியும்...

அழகாய் இருக்கிறாய்
என் அடி மனதில் இனிக்கிறாய்
ஆறடி எரிமலையாய்
என் ஆயுள் நனைக்கிறாய்...

மனம் திறந்து சொல்லாமல்
மறைமுகமாய் உணர வைத்தாய்
உயிரும் உட‌லும் உறைந்தாலும்
என் உள்ளம் ம‌ட்டும் உத‌ற வைத்தாய்...

தாம‌தித்த‌ கார‌ணத்தால்
த‌ங்க‌த்தை ம‌றுக்க‌ முடியாது
த‌ங்கையென்னும் அரிதார‌த்தில்
நான் அழுதது உமக்கு தெரியாது...

ம‌றுபிற‌வி ஒன்றிருந்தால்
மறுப‌டியும் பிற‌ந்திடுவோம்
அத்த‌ணை உற‌வு எதிர்த்தாலும்
அவ‌னியிலே ஜெயித்திடிவோம்...

புதிய‌ ந‌ட்பு

உன் அறிவில்
அதிசயித்த என்னை
ஏறிட்டு நீ பார்க்க‌
ஏற்பட்ட ஓர் தருணம்...

பத்தாண்டு
பலமொழியில்
பரிமாறா பாலப்பாடம்,
ப‌த்து நொடி விழி மொழியில்
ப‌சியாறிய‌
விந்தையென்ன‌...

காத‌ல் காம‌ம்
த‌ழைத்தோங்க‌,
தாவ‌ணி ப‌ருவ‌ம் என‌க்கில்லை..
தாயாய்,த‌ங்கையாய்
ஆன‌ பின்னே
என்னுள் வ‌ந்த‌ மோன‌ நிலை...

என‌க்கே தெரியா
பெண்ணொருத்தி,
என்னிள் இருந்த‌
இன்னொருத்தி,
என்றும் வ‌ருவாள் உன்னோடு,
உயிராய் 'ந‌ட்பு'ஒளியேந்தி.......

வாழ்க்கை

ஓராண்டா....ஈராண்டா
இருபத்தி மூவாண்டு தவம்,
த‌டைப‌ட்டு போன‌து........
கல்லூரியில் கால் வைக்கும் முன்
காற்றில் சுழ‌ன்ற‌து
என் காலச் ச‌க்க‌ர‌ம்.....

ச‌ர‌ ச‌ர வென்றோடிய‌
வாழ்வில்
வசந்த‌மும் வந்த‌து,
வள‌மையும் தந்தது,
சிற‌கும் விரித்த‌து,
சிலுவையும் சுமந்த‌து......

இள‌மையை அட‌கு வைத்து
குடும்ப‌ம் தழைத்த‌து.....
த‌ர‌ணியில் த‌லைகாட்ட‌
தாழ்வு ம‌ன‌ப்பான்மை
என்னுள்
தாண்ட‌வ‌மாடிய‌து.....

மூழ்கிய‌ எரிம‌லை
மெதுவாய் மூச்சு விட‌
தாக‌ம் த‌லைக்கேறி
த‌மிழ் மோக‌ம்
என்னுள் "மேக்மா"வாய்
வழிந்தோடிய‌து
த‌மிழ் க‌ற்க‌ நினைத்தேன்
க‌ன‌வில் திழைத்தேன்....

glitters09

காலையில் கண்விழித்தேன்
கண் முன்னே கலர் கனவு
கவனத்தில் வந்தது
இன்று இளமை திருவிழா....

பத்து மணிக்கு மண்டபம் அடைந்தேன்
என் வயதில் 10 குறைந்தது,
பார்வையில் பட்ட‌
பாவையரின் கண்களில்
எந்தன் பாதியே தெரிந்தது...

ப‌ன்னிர‌ண்டு ம‌ணித்துளியில்
க‌விதை தேர்ந்தெடுக்கும்
க‌விஞ‌னானேன்,
கை கொட்டி கேலி செய்த‌
என் ம‌ன‌தை ம‌றைத்து...


ம‌திய‌ம் செல்ல‌ச் செல்ல‌
ம‌யில்க‌ளின் வ‌ண்ண‌த்தில்
ம‌னம் உருகி,
உட‌ன் உறைந்த‌து
உயிர் ஓவிய‌த்தில்....

அந்தியில் ஓரு ஆத‌வ‌னாய்
விஜ‌ய் ஆதி ராஜ் ஜின்
அச‌த்த‌ல் வ‌ருகை,
அவ‌ர் கையால் கிடைத்த‌து
அழ‌கிய‌ சால்வை...

இர‌வு நெருங்கிய‌து
க‌ன‌வு ம‌ய‌ங்கிய‌து
நிக‌ழ்வு நினைவில் வ‌ந்து
க‌ட‌மை தொட‌ங்கிய‌து
ம‌ட்டில்லா ம‌கிழ்வோடு
ம‌று விழாவை எதிர் பார்த்து.........

இன்னர்வீல் நட்பு

என்றும் இணையில்லா
இன்னர்வீல் தொடங்கின‌
இருண்ட என் இதயத்தில்
மின்னல் பூ பூத்தன..

பெண்ணாய் பிறந்தேன்
புவியோடு வளர்ந்தேன்
கண்ணனுக்கு வாக்கப்பட்டு
கற்பனையாய் வாழ்ந்தேன்..

காட்டாற்று வெள்ளமென‌
கலமது சுழன்றோட‌
கண்ணிமைக்கும் நேரத்தில்
இன்னர்வீல் வந்தது
இனிய குடும்பம் தந்தது..

விட்டு போன உறவெல்லாம்
தரணியிலே சிதறியிருக்க‌
தானும் சென்று உதவிடும்
தாய்மை உணர்வை தந்தது..

நட்பு என்னும் தாய் வயிற்றில்
நாழும் பிறந்து சேயானோம்
தாய் இல்லா சேய்களும்
தழைத்தோங்க உதவிடுவோம்..

சாதி மதம் பல கடந்து
வயது வசதி தனை மறந்து
தனிமை சிறையின் விலங்குடைத்து
வானமளவு உயர்ந்திடுவோம்
நமக்குள் வல்லமை பல தந்திடுவோம்..

தாயாய் தங்கையாய் தரம் பிரித்து
தன் மன உணர்வை பகிர்ந்திடுவோம்,
தோழியாய் குழந்தையாய் குணம் மாறி
கூடி குலாவி மகிழ்ந்திடுவோம்..

கூட்டு குடும்ப‌ம் ம‌றையும் கால‌மிதில்
சுற்ற‌ம் என்ன‌ சொன்னாலும்
எந்த‌ சூழலில் மாட்டிக் கொண்டாலும்
இன்ன‌ர்வீல் குடும்ப‌ம் க‌லையாது
நாம் கூடி க‌ளித்து வாழும் வ‌ரை..

விழித்தெழு பெண்ணே!

பேதை பெண்ணே நீ
போதை பொதை பொருளாய்இருந்தது போதும்
பாரதி கண்ட புரட்சி பெண்ணாய்பொங்கியெழு..

புதுமையை
ஆடை குறைப்பில் காட்டாதே
ஆளவந்தவளாக உனை மாற்று...

சமமாய் தண்ணியடிப்பதில் காட்டாதே
சாவ்லாவாய் சாதனை புரிந்து நீ காட்டு...

அன்னை தெரசாவாக மாறி
அன்பினை காட்டு அனாதைகளுக்கு..

அப்துல்கலாமாக மாறி
ஆக்கம் பல புரி பாரதத்திற்கு..

காவிரி தாயாக மாறி
தண்ணிர் தந்து விடு தமிழகத்திற்கு....

கொலுபொம்மையாக மட்டும் இருந்துவிடாமல்
கோபுர கலசமாக உயர்ந்து நில்
நாளைய உலகம் நமது கையில்....