தெளிவு

மண்டியிட்டு கேட்கிறேன்
மன்னித்து விடு மணாளனே...

உரைப்பது உண்மையென‌
என் உள்ளம் உணர்ந்தும்
உன்னையும் ஏற்க சொல்லி
ஏனிந்த அதிகாரம்???

என்னைப் பற்றி
எனக்கு தெரிந்தும்
ஏனிந்த எதிர்பார்ப்பு??
எட்டவில்லை என் மூளைக்கு...

தேகம் திரியாக்கி
யாகம் வளர்க்கையில்,
வழிந்தோடும் என் வலியை
நீ உணர..

தேனூறும் என் நெஞ்சின்
தெளிவை நீ  அறிய‌
நீ ....நானல்லவே.

இரவெல்லாம் யோசித்து
விட்டுவிட்டேன் இன்று,
உன்னையல்ல...
உன் மீது நான் கொண்ட கோபத்தை,
என்னை நம்ப வைக்க‌
நான் செய்த யாகத்தை...