யாழினி என் தேவதை.

விடியல் வேளையில்
விடிவெள்ளியாய்
மண்ணில் தோன்றிய‌
முழுமதி முகத்தவளே...

உன்னை முழுமையாய் கண்ட நொடி
மூச்சு விட மறந்தேனடி,
அள்ளி கொஞ்சிய
அடுத்த நொடி,இதயம்
அனிச்சையாய் துடித்ததடி...

கூவும் குயிலிசையும்
புல்லரிக்கச் செய்யும்
புல்லாங்குழலிசையும்,
பூரித்துப்போகும்
யாழி நீ இசைக்கும் யாழிசையில்...

யட்சக‌ன் அருளிய
எல்லோரா ஓவியமே,  - கீர்த்தி
யாசித்து பெற்றெடுத்த‌
ஆறாம் காப்பியமே...

கண்ணனின் கருணை உனை நனைக்க,
பாபுவின் பார்வையோ அரவணைக்க,
அன்னையின் அன்பிலே அமுதாகி
ஆண்டு பல கோடி அழகி நீ வாழ‌
ஆச்சி எந்தன் ஆழ்மன வாழ்த்துகள்