மௌனம்

தமிழுக்கு நிகரான 

தலைசிறந்த ஒரே  மொழி மெளனம்... 

மணிப்பொழுது பேசி 

விளங்கா வாக்கியம், 

கணநேரத்தில் விளக்கிடும் 

வித்தை மௌனம்... 

உறவுகளை இழுத்துக்கட்டும் 

மந்திர கயிறு மௌனம்... 

வீணர்களின் விதண்டாவாதத்தை 

விண்டு தகர்த்திடும் 

ஒற்றை நாண் 🏹 மௌனம்.. 

ஆழ்கடல் அமைதியை 

அடி நெஞ்சில் தேக்கியே 

ஆன்ம ஞானம் அளித்திடும் மௌனம்... 

நம் ஆன்மாவுடன், 

நாம் பேசும் ஒரே பாஷை மௌனம்.. 

ஓம்கார ஈசரோ, 

உலகளந்த நாதரோ,

அல்லா தூதுவரோ, 

ஆண்டவர் இயேசுவோ  

அனைவரையும் உருக்கும் ஒரே மொழி,

அன்போடு நாம் பேசும் மௌன மொழி 🙏.

அன்புடன் க.உமாராணி