வறண்ட மனதில் வண்ணம் தீட்டிய
என் வைர தூரிகையே ❤..
நீ என் வாழ்வில் வந்தது வரமா?
வாராது போனது பெரும் சாபமா??
சாலை எங்கும் உன் பிம்பம்
காட்சிப்பிழையாய்
கலங்கிய கண்ணுக்குள்...
உறவிருந்தும் உரிமையின்றி போனதால்,
உயிரோடிருந்தும் ,
என் உடல் நடைபிணம் ஆகிறதே...
உணர்வுக்கு உயிர் ஊட்ட
உரசி சொல்லும்
உன் ஒற்றைச்சொல் போதும்...
உயிரோடு தீ மூட்ட
ஊமையான உன் மௌனமே போதும்....
தேர்ந்தெடுக்கும் தகுதி
தேனமுதே உன் கையில்.
ஓராயிரம் வார்த்தைகள்
ஒருபோதும் வேண்டவில்லை,
பேதை மனம் பேதலிக்கும் முன்னை,
என் பெயர் அழைத்து,
ஒற்றைச்சொல் பேசிவிடு.....
அல்லது ஒருமுறை பேசவிடு 🙏
அன்பு மட்டுமே எதிர்பார்க்கும்
#உமாராணி#
No comments:
Post a Comment