"யாரை வெல்வீர் "

      
"யாரை வெல்வீர் "
மருத்துவ மணிமகுடம்
 திரு.ஜோசப் ராஜன் அவர்கள்,
எனக்கு அளித்த
மகத்தான தலைப்பு..

அகத்தோடு அகம் பேசி,
ஆத்மார்த்த சேவையில்,
அன்னை தெரசாவின்  " அன்பை "க் கூட,
ஆதியோகியின் அருளோடு
யாம் வெல்வோம்..

மண்ணுயிர் காக்க,
நுண்ணுயிரோடு போராடும்,
மருத்துவருக்கு சிரம் தாழ்த்தி,
மனித மனதின், மக்கிய " மமதையை "
யாம் வெல்வோம்..

தேனூறும் சொல்லில்
தெளிவாய் பேசியே,
காயம் கண்ட மனதை ,
" கருணையால் "
யாம் வெல்வோம்..

தட்டுத்தடுமாறி ,தன்னம்பிக்கை
தலைதூக்குகையில்,
தட்டிவிடும் " தயக்கத்தை "
தயங்காது
யாம் வெல்வோம்...

கண்ணன் உணர்வோடு,
கண்ணில் கருணையும்,
நெஞ்சில் தாய்மையும் வழிந்தோட,
காதலை தாண்டிய
" காமத்தை "
யாம் வெல்வோம்..
       
       அன்புடன்,
       உமாராணி கருணாமூர்த்தி.