அக(ல்) விளக்கு ஒளி

விளக்கேற்றுதலின்,

விளக்கம் அறியாது,

வியாக்கியானம் பேசும்

வெள்ளந்தி மனிதர்களே...

நாங்கள் ஏற்றியது

வெறும் அகல் ஒளியல்ல,

எங்கள் அகத்தின் ஒளி...

அந்நிய தேசமே அசந்து நிற்கும்

ஒற்றுமையின் ஒளி ....

அடுத்த வீட்டுக்காரனுக்கு ,

நம் நலனை பறைசாற்றி

அவர் மனதில் ஏற்றிய

நம்பிக்கை ஒளி....

அறிவியல் கைவிட்ட

"கோவிட்"அரக்கனை

ஆன்மீகத்தில் அகற்ற,

அறிவிற்கு அப்பாற்பட்ட,

ஆண்டவனின் துணை கேட்டு,

மரபுவழி ஏற்றிய

மங்கல விளக்கொளி...

திருக்கார்த்திகை திரு விளக்கும்,

தீபாவளி ஒளி விளக்கும் ,

விளக்கிய உண்மை

உணர்ந்திருந்தால்,

இன்று

நாங்கள் ஏற்றிய அகல் விளக்கின்

அருமையும் நிச்சயம் நீ உணர்வாய்.