வாழ்வே தேடல் தானோ...
தேடல் முடிவில்,
நான் பெற்றதும் கோடி,
கற்றதும் பல கோடி,
கற்கண்டாய் இனித்த
கனவெல்லாம்,
கானல் நீராய்
கண்முன்னே
கரைவதை எண்ணி
அழுவதா?
காத்திருந்த காதல் ,
கை கூடியும்-அதன்
கனமறியாது
தினம் தினம் தொலைக்கும்
உன்னை எண்ணி சிரிப்பதா?
பத்து மாதம்,
வயிற்றில் சுமந்தவள்
தாயென்றால்,
இருபது வருடம்,
மனதில் சுமந்த நான் யார்?
மண்வளம் பார்த்து பயிறிட
மனிதனே நினைக்கையில்,
மன வளம் பார்த்து இணைத்திட தான்
மாயனவன் நினைத்தானோ ?
புரியாத சூத்திரம்...
புலம்பி என்ன பயன்.
