முழுமதி நான் திருமதியாகி
முப்பது வருடம் முந்திக் கடந்தன
மூச்சு விடும் நேரத்தில்.
முக்தி பெற்றது வாழ்வு,
முருகனின் அருளோடு...
பதினேழில் கரம் பிடித்து,
பக்குவமாய் எனை மாற்றி,
பாசத்தை பதியமிட்டு,
பல வண்ண ரோஜா நான்கு பெற்று,
நாளும் பொழுதும் எமைக் காத்த,
நற்றுணை நாயகனே!
நானிலமே எதிர்த்தாலும்
நானிருக்கேன் என்று
எதிர் வந்த ஏகலைவனே!
எத்தனை பிறவி எடுத்தாலும்,
அத்தனையிலும்,
உன் உறவாக,உயிராக,
உடன் வர வேண்டுமென்று
உளமாற வேண்டிவேன்
செந்தூரான் சேவடியில்.
